《妖具》-我無啦啦做左個道士，仲要係全香港最大粒果個 ! ?: 《華富邨12》

「師父你原來咁犀利﹐咁幾時教番我一兩招旁下身。」俊仔沒想到師父居然在沒有黑狗血﹐糯米的情況之下﹐依然有本事可以對付到殭屍。

「唔係我犀利﹐係大師勁炸。」張天師一手打落俊仔的頭上。

「你咪大師囉 ! 」俊仔這才留意到身旁一邊的小藍。

「小姐快啲離開依度﹐依度好危險。」俊仔好意地提醒小藍離開。

「哈~哈~你快啲帶埋你師父走啦﹐佢話腳軟走唔到。」小藍被這兩師徒逗得放聲大笑。





「多謝大師﹐痛...痛...」俊仔扶起張天師便很快離開了天井。

我慢慢走到小藍的身旁﹐慢慢望向定在原地的殭屍。總感覺跳殭所帶來的壓迫感遠比昨天的黑殭低上不少。

「其實黑殭危險啲定係佢危險啲。」我忍不住好奇心問了小藍。

「佢。」小藍想都沒想便說出了答案。

「佢嘅智商遠比黑殭高﹐而且跳殭絕對唔係偶然出現。」話音未落﹐樓上便再次傳出鈴鐺聲。





「鈴~! 鈴~ !」清脆悅耳的鈴鐺聲仿佛在召喚著跳殭﹐跳殭的手指亦開始有些少的活動。

「小妹妹﹐你定住老夫隻殭屍做咩呀 ! 」一把老人的聲音在天井中不斷回盪。

我兩立即抬頭但只聞其聲不見其人﹐絲毫沒有發現任何人﹐只見空盪盪的走廊。

「不過都好﹐小妹妹你地就幫我測試下啲新玩意。」

「天靈靈﹐地靈靈，. 三清助我控三魂﹐急急如律令。」