《妖具》-我無啦啦做左個道士，仲要係全香港最大粒果個 ! ?: 《華富邨19》

當我想靠近的時候﹐小藍立即捉著我的手。

「好奇心害死貓。」小藍搖了搖頭示意我不要接近房門。

「喂 ! 老鬼你唔係茅山道士咩﹐做咩變左邪教嫁 ? 」小藍向著空氣發問。

原本不斷製造響聲的房門突然停了下來﹐即時變得鴉雀無聲。

「引我地入黎又用陣法困住我地﹐到底你想做咩。」小藍再一次向著空氣發問。





「噹啷~」今次有一點點不一樣﹐鐵閘傳來一些金屬撞擊聲。仔細一看﹐看到有一個骨瘦如柴老頭站在門外﹐用銅錢串輕輕敲打鐵閘。

「都話左啦~要做實驗吖嘛。」

「同埋我地北茅山不嬲都有同佢哋合作﹐唔洗咁大驚小怪喎。」老道士從腰間拿出一道黑色的符。

「哈~哈~你地慢慢玩﹐試下老夫今朝先收到最新嘅玩具。」老道士輕輕一笑。

「不過我都係收埋啲舊玩具先﹐費事一陣比你地打爛。」老道士把黑色的符放到地上﹐突然符上發出了一道強光﹐下一秒老道士把手伸進符內。





在祭壇上雕像旁的鏡子瞬間出現了一隻手﹐一下子捉起一旁的雕像。小藍亦有所感應﹐以瞬雷不及掩耳的速度瞬間以銅錢劍打破了那面鏡子。

「呼~差少少就比你打中。」此時老道士的手中已拿著嬰兒雕像。