「啱啱做咩一聽到陳鴻天個名果陣咁大反應?」小藍更特意放慢陳鴻天三隻字。

「冇呀...」原本想說一個謊言蒙混過關﹐但看到小藍的眼神﹐不知因為什麼原因我又突然不太想說謊。反正也不是什麼不見得人的大事﹐就算告訴小藍也沒太大的影響。

「其實我老豆都係叫陳鴻天﹐不過佢係我10歲嗰年已經唔係度。」

「就係我10歲嗰年﹐父母同一個我好似識左好耐嘅小妹妹因為一場意外過左身。原本聽到陳鴻天三個字嘅時候﹐我都真係幾震驚。不過仔細諗一諗我印象中我老豆係做司機﹐同埋十幾年前佢又未到退休年齡﹐應該可能你單純個名有相似姐。」

「呀行其實....」沒想到小藍只是聽到這便雙眼含淚﹐但卻欲言又止﹐仿佛千言萬語在心頭卻又說不出口。





「唔洗心痛我喎。」我用手抺去小藍眼上的眼淚。

「其實我對父母嘅記憶好矇糊﹐醫生話呢啲好似叫咩創傷後遺症。腦入面會自動幫我封鎖左呢啲記憶﹐再加上過左咁多年我一早已經冇野。」

「邊個心痛你...我去準備定兩日後要用嘅野先。」小藍急急腳地離開﹐會長室內又只剩下我一人。

「喂曉晴小姐﹐我地到左你門口啦。」我打卡片上電話找到了曉晴。

淺水灣道1號不是一般的大﹐獨立的私人別墅﹐比起電視中看到的更大更豪華。小藍看到豪華別墅卻沒有任何驚訝﹐看似一早已見怪不怪。





「我派人出黎接你地。」曉晴掛掉了電話後﹐不一會兒便有人為我們開門了。

「小藍﹐其實黑煞係咩?」我其實由聽曉晴故事的那一刻已經不知道黑煞是什麼﹐在面對之前只好在小藍耳邊輕聲問清楚。

「其實煞係充滿怨念又有靈智嘅鬼﹐一般我地會叫做煞﹐煞比起一般嘅鬼攻加有攻擊力﹐亦更加難應付。」
已有 0 人追稿