「呀行...?」呀行把窗簾關上後﹐便慢慢走近小藍。小藍不太相信眼前的人是自己認識的呀行。

「小藍﹐冇見一排連師父都唔認得。」呀行捏了一下小藍的臉﹐小藍下意識地「輕輕力」打了呀行一下。

「痛...痛...痛﹐不過咁即係已經冇事啦。」小藍身上的傷痕在剛剛呀行與女鬼打鬥短短的時間﹐已經完全癒合﹐皮膚上完全看不到任何的傷口。

「師父?」

「終於記得你師父﹐不過你體質真係好變態﹐受左咁嘅傷居然咁快好番﹐睇幾多次都覺得神奇。」





「不過唔講咁多住﹐我已經冇咩時間啦。」呀行望了望手上的戒指﹐戒指的紅光閃爍得愈來愈快。

「小藍﹐其實由你第一日黎搵我﹐我就知你其實唔係搵我。」

「你點知....」小藍好像被呀行說中了。

「小藍﹐我又唔係「佢」﹐未傻到你試左我咁多次我都唔知嘅。」呀行指了指自己﹐不知為何我好像被罵了一樣。

「咁你係邊個。」小藍雖然也知道師父一定不是什麼壞人﹐但小藍也想知道自己的師父是誰。





「係喎。仲未話比你聽我係邊個。」

「我係龍虎山第四十三代天師 - 張道仲。」

「你係張道仲?」小藍沒想過自己的師父居然是鼎鼎大名的張道仲。

「冇錯 ! 我就係你以前講『偶像』。」呀行沾沾自喜的樣子十分欠打。小藍的內心莫名火起﹐很想把眼前的阿行揍一頓。
已有 0 人追稿