《妖具》-我無啦啦做左個道士，仲要係全香港最大粒果個 ! ?: 《密室逃脫? 4》

「全部人都到齊﹐正式開始。」剛才的前台姐姐亦開門走到這間房之內﹐走到癲狗與周長老之間便坐下了。

「狄娜姐姐仲以為你唔會到。」米露說。

「話曬都係代理會長﹐黎扮下野都要嘅。」狄娜打了個呵欠。

「總知今次一共有五位﹐我地要係入面揾兩個出黎加入十道。」狄娜託了一下眼鏡。

「有一位係黎自寶蓮寺﹐兩位教會﹐兩位靈異協會。」





「希望大家都唔好有私心﹐要講嘅就係咁多啦。」

「狄娜﹐唔係要選三位?」癲狗有些不解。

「有兩條友話要搶住做會長﹐咪比佢地兩個搶﹐你地都冇人想做嫁啦。」狄娜直接癱在了桌面﹐伸了一個懶腰。

「兩條友?」

「唉你地一陣就知﹐早知代理會長咁煩﹐我果陣打死都唔會應承榮叔。」





「如果你地有人想做就一陣自己同兩條死老野打啦﹐我訓陣先﹐完左先好叫我。」狄娜直接趴在桌上睡了過去。

由於大家都對會長之位絲毫沒有興趣﹐所以也沒有再追問下去。大家的注意力很快便被螢幕所吸引﹐因為有一個人按下了求救鐘。

再次回到呀行的房間之內﹐呀行左思右想也想不通這些東西有什麼關聯。於是他便做了一個很大膽的決定﹐便是按下了一旁的求救鐘。

「唔好意思﹐我想問下第一步我可以點做?」

「陳行聰﹐真係有咁難咩?你可唔可以用個腦諗一諗先㩒鐘呀?」在求救鐘中傳出的聲音十分之熟悉﹐那便是小藍的聲音。





「小藍?」我有一些詫異﹐沒想到居然回應我的不是職員而是小藍。