《妖具》-我無啦啦做左個道士，仲要係全香港最大粒果個 ! ?: 《下一站太子... 9 》

「唔會 ! 我哥哥佢好勁一定唔會有事。」雪微沒有任何猶豫斬釘截鐵地說。

說時遲﹐那時快﹐一個人影從雪微身後的樓梯出現。

「微微~係咪你 ? 」樓梯上的人大叫一聲﹐並一路向下跑。

「哥?」雪微立即回頭﹐看看身後叫他的人是不是他哥哥。

「微微﹐真係你。你冇事就好。」雪微的哥哥一路狂奔﹐到樓梯底時已是氣來氣喘﹐不斷地喘著大氣。





「天寶 ! 你唔好咁快﹐我跟唔上。」在雪微的哥哥背後還有年輕的帥哥﹐優哉悠哉地慢慢從樓梯上走下來。

「微微﹐佢地係你朋友?」天寶指著我們問道。

「你好我叫...」我正準備自我介紹﹐但年輕的帥哥卻打斷了我的說話。

「我記得你﹐香港靈異協會嘅陳行聰。」我看著他卻沒有什麼印象﹐在我的腦海中不斷回想。我終於想起一個人﹐但他的髮型有一些變化不敢肯定是不是他。

「哦~!原來係識嘅﹐你好我係教會嘅趙天寶﹐佢係我妹妹雪微。多多指教 ! 」





「多多指教 ! 你叫我呀行得啦﹐佢叫阿泳。」

「咁你叫咩名?」阿泳看著沒有自我介紹的年輕的帥哥便開口問他。

「無為﹐你打聲招呼啦。」天寶的一句說話便確定了我心中所想的﹐就是聖伯多祿中學時在癲狗身旁的那個和尚。