《妖具》-我無啦啦做左個道士，仲要係全香港最大粒果個 ! ?: 《下一站太子... 14》

別西卜沒有理會癲狗，自顧自地拾起糖果，隨即打開包裝放到口中。臉上洋溢幸福的表情，似是食著山珍海味般，甚至連糖紙都舔了過遍，這才打目光放回癲狗的身上。

「仲有冇多粒？」別西卜想要更多，癲狗卻沒有理會。

「快啲講咩事？」癲狗揮手示意已經沒有了。

「默語，咁多年你都仲係咁孤寒。」

「你睇你哥哥我都咁肚餓，仲唔比我食多粒。」別西卜摸著肚子，裝作很肚餓的樣子。





癲狗雙眼一紅，眼神中帶著殺意，手從腰間拿出一支牙籤，輕輕一彈，牙籤從別西卜的臉旁飛過，別西卜的臉上出現一道深深的傷痕。

「唔好拎死人開玩笑！」癲狗瞬間到達別西卜的臉前，一拳揮下，拳頭卻在別西的臉前一公分停了下來，拳風把別西卜的頭髮都吹飛。

「冷靜！冷靜！最多我唔講。」別西卜連忙捂著嘴巴，一臉的驚恐。

「到底有咩事？我唔想再重複。」別西卜都感覺到癲狗的威脅，亦有些委屈。

「反正你都唔會落到手嫁啦，都唔知扮咩。」別西卜細聲地自言自語。





「你講咩？」癲狗看到別西卜自言自語卻不知道他在說什麼。

「冇野我想話今次要加人工，起碼要三餐米露整嘅飯先得。」

「憑咩？冇！一餐就一餐，要就要唔要就算數。」

「上兩次都係5-6個人，今次有十幾個，仲有啲係普通人，我好難控制到唔打死佢地嫁喎。」

「十幾個人？」癲狗只知道呀行他們5人，對於其他人一概不知。