《妖具》-我無啦啦做左個道士，仲要係全香港最大粒果個 ! ?: 《下一站太子... 27》

「小朋友，你知唔知你唔應該黎？」別西卜看著我說。

「不過…」

「你講完未….」一直低著頭的無為突然打斷別西卜的說話，語氣中流露出憤怒的情緒。

「你係咪七大罪？」無為雙眼緊盯著別西卜，殺意瀰漫着整個空間。

「好正嘅眼神，但我對你冇咩印象，你唔通又係想搵我報仇嘅朋友仔。」別西卜彷彿早已見慣不怪，絲毫沒有害怕。





「我問多你一次！你係咪七大罪？」

「既然你誠心誠意咁發問，咁我就大發慈悲咁話你聽，為了防止世界被破壞，為了維護世界嘅和平，貫徹愛與真實嘅邪惡，可愛又迷人嘅反派角色…七大罪暴食嘅代表，繩王..別西卜…」

「嗡缽囉末鄰陀寧娑婆訶！」無為在自己的手臂上割下了一塊小小的肉，便丟到空中，頓時一隻金色的鷹憑空出現，把肉吃掉。

無為立即渾身散發濃濃的氣息，金色的光芒甚至令人眨不開眼。

「唵！」一個閃身無為走到別西卜的身前，一隻金色的巨型手掌正面向別西卜襲來。





「喂！…等陣！」別西卜向後退了一步，一個側身躲過巨型的手掌。

無為沒有任何停下來的意思，近身便是一拳揮去，拳頭正中別西卜的面門。

別西卜也立即準備反擊，渾身的紅光慢慢變濃，正當妖力快要達到高峰之際，手上傳來一下強烈的電擊，差點把別西卜痛暈過去，這才記起手上的手鐲。