《妖具》-我無啦啦做左個道士，仲要係全香港最大粒果個 ! ?: 《達德小學2》

到了獵魔工會，早早便看到保羅和米露已經坐在會議室等待著。

「小藍姐～」米露立即沖過來抱著小藍。

「ok！齊人咁我同你地簡單講解一下發生左咩事。」保羅看三人都到齊便打開了投影儀器。

「今朝我地工會收到條片…」保羅按下了按鈕便開始播放影片。

「哈囉～聽唔聽到～喂～」一個神秘人在敲著鏡頭。





「應該得…我真係唔識搞呢啲科技野。」

神秘人緩緩地走向一張椅子座了下來。

「咁多位朋友仔我地又見面啦～我係19號，有冇掛住我呢？」19號依舊是穿着白袍，臉上帶著般若面具。

「雖然我知你地掛住我，但係都唔可以直接黎搵我嫁，想見我要book嫁～」

「嗱嗱嗱～好似佢咁就唔得啦。」19號拿起鏡頭，把鏡頭轉番另一個方向。





鏡頭下可以清楚看見癲狗被釘在一個十字架上。

「呢個就係唔預約的下場，下次唔好啦。」19號打了一巴癲狗，癲狗有反應證明他還清醒。

「你地派人黎接番佢啦。」鏡頭再次轉回19號。

「不過要公平…哈哈～我諗到啦～不如我地玩過遊戲。」

「佢擅闖我地嘅地方，你地就用一個正常嘅方法黎救佢。」





「不過你地只可以派四個黎，多一個我地都唔可以保障到佢安全嫁。」