《妖具》-我無啦啦做左個道士，仲要係全香港最大粒果個 ! ?: 《達德小學15》

「哈哈…」我看著他笑了。

我跟本完全對此事沒有任何的記憶，但我已是騎虎難下，只能笑笑拖延時間，在腦海中盡力想他是西遊記裹的誰。

「放下屠刀，立地成佛。我甚至唔記得你係邊個。」我特意把手指尾放到耳朵內刮一刮，再把耳屎吹走，完全沒有把他放在眼內。

「而我高高在上係因為實力！」我把手中的金棒插在地上，輕輕用眼尾看了他一眼。

「唔好再睇唔起我…」





「我同你跟本就係一樣…係你放棄左我地…」

「你去享受你嘅榮華富貴，而留低我哋喺度受苦受難…」

「係你出賣左花果山，係你出賣左我地！」六耳獼猴沒有把這句說話說出來。

「我係七大罪之一！六耳獼猴！你好好記住殺你嘅人係咩名。」六耳獼猴爆發出比剛才更加濃烈的妖氣。

我眼前突然一黑。





感覺到背後突然一棒揮下，鮮血頓時擁上心頭。

我發現不單單是視覺，聽覺也同時被剝奪。

我腦海再一次閃過五行旗的用法，我心念一動，一支寫著「土」字的旗幟霎時出現在我的眼前。

「嘭！」我感覺到又再一次揮來一棒，但今次卻沒有受到什麼傷害。