《妖具》-我無啦啦做左個道士，仲要係全香港最大粒果個 ! ?: 《保羅8》

「陳鴻天呢？又係佢協會啲麻煩嘢。」

「老師，鴻天個仔啱啱出世佢梗係留番啲時間陪個仔。」

「今次就得我地三個。」長空拍了拍老師的肩膊以示安慰。

「都係封印一件妖具簡單野，係時間開始啦。」

「無悟…」長空一聲令下，無悟便雙手合十，突然一掌打向地面。





一道金光從無悟的手一直擴張出來。

「睇黎有兩隻老鼠仔…」無悟望向一旁有段距離的草叢，正正是保羅和狄娜藏身的地方。

「邊個呀？捉佢出黎打一餐先啦！」不知老師是想發洩一下還是嚇怕草叢裡的人，老師對著草叢大叫。

「來者何人！」長空聲如洪鐘般的聲音大聲疾呼。

「冷靜！自己人！」狄娜起身大喊回去。





「狄娜？」長空看到老師的反應便知道他們是認識的。

「老師你朋友？」狄娜身後的保羅也站了起來。

「佢地係我學生。」老師一臉無奈。

「老師你唔係要去打佢一餐咩？」無悟挖苦老師。

「你兩個跟蹤我？呢次唔係去玩，返去啦。」





「老師…」

「老師算啦唔黎都黎左，今次唔係好危險，咪當比啲後輩學下野。」長空看到狄娜兩人不願離開便為他們打完場。