《妖具》-我無啦啦做左個道士，仲要係全香港最大粒果個 ! ?: 《百寶堂1》

（同一時間…）

「周婆婆我地去邊？」周婆婆一早便通知了阿泳收搭好東西出發。

「去一個地方…不過出發前去見一個老朋友先…」

兩人到了山頂的一間獨棟豪宅。

「門冇鎖！」周婆婆想敲門之際一聲響亮的聲音便從門內叫喊出來。





一打開大門一陣味道便從門內傳出…是中藥的味道但卻不會令人反感，而是是淡淡的清香撲鼻而來。

「周離！你捨得黎搵我啦咩？」一個老頭子座著輪椅從房間慢慢出來。

「係咪掛住我～想同我復合。」話未說完正義的鐵拳已經到了。

「有小輩係到，仲為老不尊！」不知何時周婆婆便來到了老頭子的身後。

「咩為老不尊咁先算係！」說罷老頭子便要親向周婆婆。





「劉司綽！你係咪想死！」周婆婆一掌便把老頭子的嘴推開，另一隻手拿出了符紙。

「離B~怕咩醜，大家都老夫老妻。」老頭子純熟地躲開了那一掌，另一隻手瞬間把周婆婆拿著的符紙搶去。

短短的瞬間動作極度絲滑流暢，絕不是第一次作案。