《妖具》-我無啦啦做左個道士，仲要係全香港最大粒果個 ! ?: 《鎖羅盆村2》

「呀俊，準備定啲護身符。」

「唔好意思我想問下係係得我地三個？」

「梗係唔係啦～你地兩個奀挑鬼命黎個流浪漢你地都搞唔掂啦。我經理人接緊啲觀眾過黎應該有加埋我五個人左右，應該都差唔多到…」

果然一架私家車從遠處駛來，女子看到車駛來，立即把煙頭丟掉，拿起化妝盒補妝。

駕車的經理人下車，帶著三名男觀眾下車。





三個男觀眾有一個看起來十分健碩，一個看著像星君鼠斯斯文文的西裝男，以及一個獨臂嘅男子。

「hello～你地好呀～」女子像是變了一個人一樣變得十分可愛，與剛才的判若兩人。

「Aoio～你真人真係好可愛～」西裝男看到女子後十分的興奮，想一下攬著女子，但被經理人攔了下來。

「冷靜啲～你一定係星哈利路亞啦。」Aoio走上前叫經理人退下。

「係呀…你記得我？」





「我記得每一位觀眾，由其是你地～你地每一個super chat我都有睇曬。」其實Aoio是靠西裝男身上的十字架估計他是誰。

「你係男上加男～初見～」Aoio走到健碩男面前，讀出他最常留言的句子，健碩男興奮不已。

「你係單拳超人～」獨臂男的表現不一樣十分的冷淡，Aoio想他應該是害羞吧。