《妖具》-我無啦啦做左個道士，仲要係全香港最大粒果個 ! ?: 《鎖羅盆村8》

「小鬼已除大家無雖擔心。」張天師把道袍穿回身上。

單拳超人噗嗤一笑，手在背後偷偷拿出了一張黑色符紙貼到一棵樹上。

樹上的一個神秘的標誌發動，一個實驗室的標誌散發出淡淡的紅光。

「咁我地繼續前行…」張天師繼續帶頭而Aoio也立即跟上。

「天師啱啱到底發生左咩事？」





「只係一隻普通嘅怨靈，只不過佢係一隻惡鬼冇辦法輪迴。本身我好言相勸，但佢冥頑不靈，到最後一刻都想害人，本天師先勉為其難打到佢魂飛魄散，唔比機會佢再出黎害人。」

張天師說起來似模似樣的，雖然Aoio還是覺得是戲法，但在觀眾的面前也要裝作相信不己。

張天師說著說著，便來到了鎖羅盆村…

「呢度就係傳說中一夜消失的鎖羅盆村！而且張天師已經展示過佢嘅實力，有張天師係度都安心好多。」

「咁今次靈探就由呢間屋開始！」Aoio一手便推開了一間房的大門。





一陣臭味從那屋內飄出，一陣不祥的預感充斥在眾人的腦海裡。

「慢住！俊仔過黎！」Aoio聽到張天師的說話後便也停下了手腳。

「準備好未？」張天師在俊仔的耳邊靜悄悄地說。

「放心！今次搵番合作左多年果個，佢地一早已經係入面準備好。」俊仔細聲說著，手中遞上一支水給張天師。