《妖具》-我無啦啦做左個道士，仲要係全香港最大粒果個 ! ?: 《鎖羅盆村14》

「呀！！救…」眾人的耳機突然響起一聲巨大的慘叫聲，是那種撕心裂肺的慘叫。

「個女人癲架！救命！」

「呀…嗚…哇！對唔住！對唔…」對講機內的聲音沒有了…

「搞咩？」耳機內傳來躲起來的演員的對話，全都亂作一團，只有吊著威也的女鬼十分敬業地繼續營造恐怖的氣氛。

「陳導把聲？」
「好似係。」




「點吖真係有鬼？」
「搞咩呀差啲聾！」
「點呀？」

「全世界繼續！我去睇下咩事。」PA十分冷靜地叫停了快要失控的眾人。

「天靈靈，地靈靈…太上老君速顯靈。」俊仔從背包中拿出了一把桃木劍。

「Aoio呢度好猛…不如拉防狼器？」





Aoio其實已經開始有點害怕，但這就是他想拍的畫面…他便把防狼器收在了褲袋內。

「我…好似唔見左…」Aoio扮作找尋防狼器。

「咁大獲！」俊仔也嚇一跳，他也在想如何收場。

「踏！踏！踏！」女鬼又再次消失得無影無蹤，而身後卻傳來了一陣的腳步聲。

三隻殭屍跳了出來，由左邊跳到右邊。棺材突然爆開，女鬼凌空飛起飛向殭屍的方向，中間的殭屍被撕成碎片，一塊爛肉飛到Aoio的身前。