《愛在。貴族學園》: 人物介紹

人物介紹

1）張韻喬：女主角，出身自普通家庭嘅靚女一名，擁有天才級嘅智慧、模範生，原為香港真光中學學生，後來因收到邀請而轉校。自從喺校内因學業優秀而嶄露頭角之後，就有好多好朋友埋身，同時身邊總有一大堆嘅男仔圍住。

值得一提嘅係佢嘅死黨係李天殷，而且同佢一樣都係一個戀愛白痴。韻喬最初唔知道自己其實早就已經愛上咗林俊軒，但喺對住俊軒嘅時候，往往使出自己暴力嘅一面。後來因為一連串嘅事件，改變咗自己嘅一生

2）林俊軒：男主角，同樣擁有天才級嘅智慧、模範生，富家公子一名。身邊不乏朋友，因為樣貌討好，對佢黎講，要自己嘅目標成為囊中物，一啲都唔難。但係偏偏就係搞唔掂喺第一眼就鍾意嘅韻喬，死黨係程禮謙。屋企同李家、黃家有生意往來，所以同李天殷好好朋友，但係同黃嘉惠就唔係好熟。

3）李天殷：大小姐一名，舉止優雅，原本學業成績麻麻，但經韻喬瘋狂壓逼之後進步唔少。不過同韻喬一樣，都係一個戀愛白癡。喺認識韻喬之前，自己喺學校並冇真正嘅好朋友。心裏面一直都鍾意禮謙。屋企同林家有生意往來，變咗同林俊軒都有交情。





4）程禮謙：謙謙君子，同樣出生於富有家庭，專長係豎琴。同林俊軒屬死黨關係，而且都係由Form 1識到依家。由第一眼開始，就已經愛上咗韻喬，甚至去同俊軒競爭。但佢都唔知道自己已經慢慢開始愛上咗另外一個人......

5）黃嘉惠：世界財團總裁嘅獨生女，屋企同林家有生意往來，不過同俊軒認識唔多。後來喺一個社交場合上巧遇俊軒，而且對對方一見鍾情，於是轉校到俊軒嘅中學。原本非常討厭韻喬，但係後來良心發現，於是同韻喬佢地成為好友。

6）鄭俊傑：家族喺加拿大開公司。成績唔錯，運動型男孩，聲音、高度同笑容都同俊軒好相似，但係就比俊軒溫柔得多。喺早年一次相遇嘅時候，就已經開始鍾意韻喬。佢喺韻喬剛剛受情傷嘅時候轉校過黎，於是韻喬將佢當做治療情傷嘅代替品。
 
7）劉佳澄：同樣出身於富有家庭，係全港第二有錢人家-劉氏嘅千金，家族生意規模比黃氏更大。後來因為父親大病一場，意外揭發一連串事件，而同樣咗改變自己嘅一生。雖然擁有比韻喬更出衆嘅外貌，但最初學業嘅成績都只係一般。
 
8）林紫渝：林家大小姐，林俊軒嘅家姐，因成績優異所以喺英國劍橋大學讀書。同樣擁有出衆外貌嘅佢性格反而比較冷淡，所以一直都好似冰山美人咁，但係最後都有男朋友。紫渝為咗幫細佬將韻喬追到手，一直喺後面出謀獻策。





IG link https://instagram.com/bear_big_big_writer