《愛在。貴族學園》: Ch 7 ~ 綁架 Part 8

Ch 7 ~ 綁架 Part 8（連載日期：2021/10/30）

（雙平台20000次點擊加更，多謝大家一直嘅支持）

「嘿嘿嘿！原來天才喬唔單止擁有内在美，連外在都有啲睇頭啵哈哈」天殷睇到韻喬身材之後，就帶點挑逗咁講咗呢句，而且仲將手放喺韻喬身上，再喺雙峰上游走。
 
「喂呀殷殷呀，你咁講我好難為情咖」韻喬於是即刻就面紅紅，好怕醜咁回應對方嘅“挑逗”，然後再望天殷一眼「而且你同我都應該差唔多啦！」

確實，佢地兩個嘅身材都係正正常常，應該有睇頭嘅地方都有囉。「唔係囉，起碼你大過我先啦」「喂呀！怕醜咖！」





「怕咩醜呀張韻喬！我地之前又唔係冇見過對方，舊年聖誕節我地去私影嘅時候，我地都睇過哂對方啦！」天殷開始用自己對胸，去撞韻喬對大奶。

而韻喬就開始面紅「都係因為你咋嘛！仲好講！不過……其實你都好睇呀！」韻喬開始打量天殷全身。
 
「唔係呀，都係喬喬你靚啲」天殷繼續講，但同時間天殷繼續對韻喬進攻，不停用手挑逗韻喬，係差在天殷未錫上去，

但係都搞到韻喬有一絲懷疑，到底天殷係咪有心調戲自己。

不過天殷又繼續講「我諗我出面啲衫，你應該都會fit size嘅，而且你着出黎個effect都應該幾好睇。」
 




「多謝你讚我啦殷殷。不過我之前都冇着過呢類型嘅衫，應該話根本都唔會用得着」韻喬若有所思道

「係呢殷殷呀，其實你屋企係咪成日都要出席呢類型嘅宴會咖？因為我見你都好似有好幾套戰衣喺度」
 
「嗯……我覺得就還好啦，可能一年都有十幾次左右啦」

「嘩，原來一年都有咁多咖？」韻喬好驚奇咁回應

「不過，其實呢啲宴會或者party，主要都係班大人社交或者傾生意嘅場合黎……」天殷補充道。





「至於我地呢啲細嘅呢，都係陪住父母行行企企，或者如果有自助餐食嘅話，咪食下嘢咁囉！」天殷繼續回應

「但係，如果個場合有啲同自己年齡差唔多嘅人喺度，我地都可能會互相認識，甚至都可能為將來嘅合作舖定路都唔出奇咖。」
 
「下，但係今晚會唔會好悶咖？我怕我真係會唔習慣呀…」韻喬今次就好擔心咁問天殷，但係天殷嘅答案都好無棱兩可

「其實，悶唔悶呢個都真係一時時咖咋，好彩嘅話咪可以玩得好開心，但悶起上黎嘅話，真係企喺度都可以訓得着呀」

「唔係呀嘛？企喺度都訓得着咁誇張？咁今晚……」天殷未等韻喬講完，就已經知道韻喬嘅擔憂

「喬喬你就少擔心啦！都係一次半次啫，又唔係以後次次都要你去」天殷用手臂搭住韻喬膊頭道，然後再繼續傾計。

不過，天殷想試探一下韻喬對俊軒嘅態度，於是喺仲浸緊浴嘅時候，同韻喬提及一下對方口中嘅花心flirt女王

「係喎小喬呀？」「嗯？做咩呀？」「上次呢，林俊軒同學咪想問你要電話號碼嘅？」





韻喬一聽到天殷提及“林俊軒”呢三個字，面色都即刻有少少微妙，然後就問「係呀？咁做咩？」

「之後你有冇畀到你電話號碼佢呀？」「冇呀，做咩呀？」

「下，我記得嗰日放學去locker之前，你整跌哂佢啲書，然後軒仔有同你講嘢咖喎，嗰次佢冇順便問埋你拎電話號碼咩？」天殷非常緊張咁問。

韻喬於是一邊淋水一邊大笑「哈哈！條友仔最後到冇問過我呀，講起就好笑啦，哈哈哈哈！」

「咩話？！軒仔居然咁大好嘅機會都唔問你拎？你認真咩張韻喬？！」

「真咖！而且喺之後呢幾日，個衰人都冇再問過我要電話號碼啦」

天殷聽到連眼都凸埋「唔係呀嘛，真心估唔到軒仔對住你會咁怕醜咖喎！會唔會其實喺佢心目中，已經有一個位置喺度啦？」天殷同時指一指雙峰之間心臟嘅位置，然後恥笑韻喬。





於是今次就到韻喬瞪到對眼好大「撞鬼你呀李天殷！你唔好……亂講嘢啦！我……又點可能對啲咁嘅渣男有興趣先得咖？！」

但係天殷聽完韻喬咁講，就覺得韻喬嘅回答非常奇怪，所以就先再問清楚韻喬……

（待續 ~）

IG link https://instagram.com/bear_big_big_writer