《愛在。貴族學園》: Ch 19 ~ 一早 Part 4

Ch 19 ~ 一早 Part 4（連載日期：2022/10/07）

「禮謙你……頭先……全部都睇到哂？」喺升降機門關上之後，俊軒就好慌張咁，即刻想要同禮謙解釋頭先發生嘅事。

而禮謙就輕輕點頭「放心啦軒少，無論你點講都好，我都一定會平心靜氣咁聽。」
 
「好多謝你呀禮謙，但無論你信唔信我都好，我都完全可以發誓，頭先係小喬對我作出主動先，而唔係我主動咁樣做！希望你唔好誤會我，同我都唔想再一次影響到我地幾個之間嘅關係…」俊軒再次就頭先嘅事去解釋。

禮謙此時露出一個真誠，但又帶點無奈嘅微笑同俊軒講「放心啦林俊軒！我真係冇事。而且你都唔使咁緊張同我解釋太多啦，因為頭先你同小喬嘅事，我全部都親眼睇到哂啦！」
 




「但係，既然頭先係小喬主動錫你嘅話，咁就代表佢鍾意嗰個，應該就係你啦！」禮謙有繼續同俊軒講。

俊軒雖然聽到呢個推斷之後，心裏面都覺得合理不過。不過自己就唔想FF得太多，又或者其實韻喬都係想多謝自己聽佢講，所以先用呢種方法去表達，於是就話「雖然你咁講，話就話係合理推斷姐，但都有可能唔係咖嘛！」
 
「而且只要小喬一日都唔親自講出口嘅話，我地都唔可以咁一口咬定，話佢鍾意我咖嘛，係咪？！萬一其實唔係嘅話，咁你叫我可以點樣落台呀？」

禮謙聽到之後就握緊拳頭，内心一陣掙扎。可惜禮謙對於俊軒呢番安慰嘅說話無動於衷，兩個dead air咗三十秒之後，禮謙再次開口話...

「林俊軒，我覺得.…‥我諗我都係割愛吧！我知道，呢個世界除咗我之外，仲會有一個叫林俊軒嘅人，去愛張韻喬佢嘅。」
 




俊軒聽到之後都呆一呆，雖然覺得自己勝算大咗，但諗深一層覺得，禮謙話自退出去成全自己同韻喬，絕對唔係同禮謙公平競爭，頓時覺得咁樣好冇意思，於是再對禮謙話

「唔得囉程禮謙！你點可以話退出就退出咖！？因為你咁樣做嘅話，其實係好唔尊重我同小喬咖！」
 
「不過，小喬頭先都已經錫咗你啦，咁咪代表你先係……」禮謙依然低頭道。

「唔好喺度同我不過咩錫咗我得唔得？明明嗰個係你鍾意嘅人嚟，點解喺面對逆境嘅時候唔畀多兩錢肉緊，盡力去追求小喬呢？」俊軒打斷禮謙嘅說話，並且教訓對方。
 
「你如果仲想追小喬嘅話，就快啲去送佢返屋企啦！你仲有機會可以贏到我咖！」禮謙聽到俊軒咁講之後，一時之間都唔知點反應，呆咗咁企喺度。





但俊軒好快店都已經唔耐煩，所以就直接同禮謙講「拿拿聲啦男人，唔好優柔寡斷啦，畀自己多一個機會啦程禮謙！唔係真係要等小喬真係同我一齊咗之後，你先走嚟後悔下話？」
 
禮謙内心再掙扎多幾十秒之後，最後佢都係自己親手，按下升降機嘅按鈕「咁咪好咯，一陣間你都加油啦你，盡量要畀到好感同安全感小喬呀，知道未呀？」俊軒好老懷安慰咁講。
 
「多謝你，軒少！但係我咁樣離開嘅話，咁天殷同學點算呀？」禮謙好似恍然大悟咁問俊軒。

但俊軒好快就話「你放心啦，一陣間返入去之後，我就會代替你同天殷跳舞咖啦，你就專心送咗小喬返屋企先啦！」

「咁好啦！唔該你啦俊軒！我地星期一翻學校再見啦！」禮謙喺升降機裏面，充滿感激咁同俊軒道別。
 
之後升降機門再一次徐徐關上。至於俊軒，就喺返回會場途中遇到仍然搵緊韻喬嘅天殷，天殷見到俊軒之後神色都非常慌張。

而當天殷正想同俊軒開口，查問韻喬下落嘅時候…

（待續 ~）





IG link https://instagram.com/bear_big_big_writer