《愛在。貴族學園》: Ch 23 ~ 施壓 Part 8

Ch 23 ~ 施壓 Part 8（連載日期：2023/02/10）

喺上到房閂好門之後「哈哈哈！呢次仲唔到我贏返你？張韻喬！我黃嘉惠一定會喺你手上，將林俊軒搶返嚟，然後做我嘅男朋友！」嘉惠諗起自己就快得到俊軒之後就不停咁暗爽。
 
之後嘉惠就聽爸爸話，脫去自己嘅居家服，跑去洗手間度沖涼。為咗令自己先喺外在可以吸引俊軒，嘉惠仲刻意走去剃毛，然後浸個bubble bath。
 
沖涼嘅時候，嘉惠仲沉醉於自我感覺良好嘅幻想(即係FF)同俊軒一齊嘅畫面「俊軒，我愛你，你就同我…..一齊啦好嗎？」

「為咗你，我咩都可以畀你，包括無限嘅錢……同埋……我嘅……嗰個，嘻嘻……嗯！」
 




然後嘉惠居然愛撫自己身體，同利用堆“老公”嘅幫助，陷入無窮嘅幻想之中，自我安慰起嚟，然後繼續清潔身體，正正因為咁，嘉惠已經將要面臨學校懲罰嘅事，霎時間忘記得一乾二净。
 
然而，喺經過一大輪自我激情過後，嘉惠好快就着返居家服，然後坐喺自己書枱面前，開始做功課。

當然，嘉惠都開始密謀報復韻喬告發自己嘅計劃。但其實嘉惠自己萬萬都冇諗過，向老師告發自己嘅人，正正就係自己鍾意嘅林俊軒。
 
而嘉惠喺做多咗一陣功課之後，管家就通知佢落去食飯。但喺食飯嘅時候「啊女，今日做咩突然間咁開心嘅？明明見你早幾日就冇嚟心機咁嘅？」黃太見到嘉惠心情好返唔少，而且仲識得喺度笑之後，就好奇咁問嘉惠。
 
嘉惠想話其實自己嘅好心情，都係因為有爸爸願意幫自己一把，而令到自己開心，所以話向喺呢個時候，嘉惠都刻意望一望爸爸嘅眼神。





但係黃生只係專心咁繼續食飯，冇點理到嘉惠。而嘉惠都為避免黃太對自己有所懷疑，於是就有少少尷尬咁話「冇……冇呀媽媽。因為今日返學…心情好啫，冇咩事呀，食飯啦！」
 
一向對嘉惠寵愛有加（實質係寵壞有加）嘅黃太，聽到嘉惠嘅說話之後，就面露微笑。而黃生之所以唔出聲，係因為佢仲未諗到，點樣先可以幫嘉惠向林家施壓，等俊軒可以鍾意嘉惠。

但黃生心裏面一直都覺得，如果單純咁叫俊軒同嘉惠拍拖，而俊軒一日都仲係心繫韻喬嘅話，嘉惠同俊軒就算勉強一齊都好，好大機會最後都會分手收場。

但係，自己頭先又因為嘉惠用刀去威脅自己，而應承咗一定要幫個女勸服俊軒。

所以諗諗下之後，黃生覺得之後可能要做一件，令自己同佢嘅生意夥伴，都覺得匪夷所思嘅大事，先至可以幫到自己個皇帝女，去爭取佢自己所謂嘅幸福。
 




不過喺食埋糖水過後，黃生都再冇同嘉惠講過呢件事，甚至自己返到自己嘅書房，繼續處理公司業務，以及同外國嘅業務部門開會；至於嘉惠，就喺房裏面繼續溫習功課，畢竟嘉惠喺轉校之後，功課都比之前嘅學校難咗唔少。
 
而且嘉惠仲要入讀5A呢班精英班，變咗嘉惠都要花上唔少時間去追上進度。一來要符合返學校對於精英班嘅要求。

而另一個原因，當然就嘉惠係要喺學業上，追上有“天才”之稱嘅情敵張韻喬，務求令自己可以喺學業上可以與之競爭。

雖然過程係比較辛苦，但嘉惠心裏面就覺得，如果自己辛苦少少，可以得到俊軒之餘，又可以打破埋韻喬喺學校嘅神級地位，自然覺得值得，所以佢嘅原動力都非常之大，大到連黃太都畀嘉惠認真嘅學習態度而嚇親。
 
但到咗夜晚，發夢呢樣嘢真係無獨有偶，皆因嘉惠都喺休息嘅時候發起夢嚟，夢境嘅内容係關於嘉惠同俊軒兩個，去到中環某高級餐廳食飯嘅場景……

（待續 ~）

IG link https://instagram.com/bear_big_big_writer