【智鬥／校園】 過三爆四俱樂部！ (每日更新): Part I :: 男人的目光

男人的目光穿透無框眼鏡，掃視打量了在場的所有人，同時盈盈和哈利仔倏然站了起來。

「好耐冇見喎，過得幾好嗎？我唔喺度嘅時間，睇嚟呢度愈來愈熱鬧啊！」他如領導人般舉起了右手，嘴角牽起了弧度，卻冷冰冰得不像一個微笑。

「未來學生會會長大駕光臨，我有失遠迎，還望見諒。」盈盈微微掂起裙擺，如公主般致了個禮後問：「敢問一下有何要事？」

男人沒有直接回答，而是走到牌匾的下方，揚起眉毛摸摸寫著「俱樂部」的木板問：

「唉盈盈，你仲想喺度圍威喂幾耐？你唔係仲相信嗰個都市傳說掛？Come On！成熟啲啦，成功係靠自己爭取㗎！」男人的話被一把雨傘硬生生打斷，傘骨輕輕抵著他摸木牌的手。





盈盈示意哈利仔收手，續說：「容我拒絕，我哋一定會阻止你㗎，阿蓮。」

「依靠校方暗中提供嘅大量資金支持參選學生會。驢蒙虎皮，能夠叫做自己爭取？」Whisky扠起小蠻腰不屑道。

「只係合作啫，咁樣我哋先有空間表達自己想法㗎嘛！」阿蓮撥一撥那往後梳的油頭笑道，接著目光便莫名其妙落在我身上。

他的每一步都像重重踏在我心上。

「呢位同學有啲生面口，你喺度做咩㗎？」





他的聲線有種勾魂奪魄的邪氣，竟把我激出一身冷汗：「我我我……我讀開平面設計……平時都係做啲宣傳工作……」

「哦！」他那雙鳳眼亮了起來，續問：「你以前做過最滿意嘅design 係咩？」

「係、係一件 hoodie……」我受不了那威勢，不自覺移開了視線。

他啊了一聲後瞇起眼睛，道：「原來係咁，你應該係左撇子？果然係藝術家！」

聽他這麼一說，我全身狂冒雞皮疙瘩，眼睜大得幾乎掉出來。怎麼可能？他怎麼知道的？明明我沒有拿起過筆啊！





他將手指碰到嘴唇邊：「先賣個關子，下次見到再比你估下。好喇，我今日都係打個招呼，冇咩事我走先啦。」

說罷，那個古銅膚色性感女便跟在他身後，吹了個口哨道：「打令，我哋唔好再嚟呢啲地方。 You see？竟然仲有個人攤喺地下，真係好 dirty 囉……」

聽到這把做作至極的聲音後，我的腦袋像被雷劈中一般，拳頭握緊得能捏爆核桃！

是她！是那天殺的臭婆娘！