【智鬥／校園】 過三爆四俱樂部！ (每日更新): Part II :: 記憶力

曾經有學者提出，人類的智慧可以歸因於四種能力：記憶力、創意、推論演算，還有惡意。

其中，又以記憶力為最重要的基礎，幾乎任何方面的才能都需要記憶力。你看過哪個廚師煮菜要看食譜？哪個厲害的演講家上台要帶小抄？哪個醫生看完病人報告要慌忙翻查書籍？

然而我們的記憶力是有限的，因此教育制度從不把重點放在記憶上面，而是理解原理，逐步推論，最後得出結論。只要有正確的思維，即使記憶力不太好，也能順利地持續學習。

但如果有個人，他能記住自出生起接觸到的所有知識呢？

這就是誠哥的祕密，也是他的「掩眼法」。





「你意思係，你記住咗全部人嘅牌？咁犀利？」我驚嘆道，但又想到他當時是蒙著眼的，即使記性好又有何用？

誠哥搖了搖頭，說：「我唔係記牌，我係記佢哋嘅習慣。」他又喝了一口啤酒，續說：「每個人都有好多無意識嘅小習慣，好似大部份人遇到分岔路會行左邊。」

「我只係記低佢哋每一個習慣，好似洗牌嘅力度同角度，只要事先記低每隻牌嘅位置，我就知道佢哋有咩牌。至於佢哋打咩牌想食咩糊，其實都係差唔多原理。」

我忽然想起他頭幾圈都默不作聲，難道就是在觀察十二門徒的習慣嗎？

所以，他沒有出甚麼掩眼法，只是單純記下所有細節，然後在腦海中預測牌局如何進行？所以無論是蒙眼，還是綁手綁腳，他對一切都了然於心？





我驚得久久不能作聲，即使親眼目睹了，我還是覺得難以置信。

「嘩！咁你咪天下無敵！？」這是我發自內心的讚嘆。

「比起盈盈佢哋，我嘅能力算係比較普通嚕。」

「吓？係咩……但你有無限記憶力喎！仲唔係超級天才！？」

「傻瓜。」他苦笑一聲，續說：「連最喜歡嘅嘢都留唔住嘅人，又算甚麼天才？」





不知是否啤酒的緣故，他的眼神中流露出一絲苦澀。

我正想追問下去，誠哥卻搶先說：「你睇，天光嚕。」

天邊微亮，寧靜的街上開始多了些許行人，枝椏上的麻雀不時吱叫。

誠哥捏扁酒罐，再一次掛上那輕浮的笑容說：「返屋企嚕，你要唔要上嚟抖下？我屋企有隻貓喔！」