話說,係我識到上文個SP之前,我都拍過2-3次拖。有一個女朋友對我其實都幾影響深遠,雖然最後都係佢飛左我,但唔係因為失戀果種心痛而令我有所體會。
 
呢個女仔係我初戀,清純學生妹樣啦,係學校算係乖果啲學生,全級考頭幾果啲人黎。我地中三就一齊左,但小朋友又有幾識愛人丫,我同佢一齊幾個月就分左手。好快佢又同左一個同校既師兄一齊,快到同無縫都相差不遠,唔係出於葡萄或者妒忌,果位師兄俾我既感覺就係一隻人形豬,如果換轉係呢個世代,佢地出街應該會俾人以為係援交。
 
可能你會話,都Ex黎啦,關你撚事咩飛影?咁大家同一間學校,又成日見到,身邊班兄弟都話你個Ex都幾有品味喎咁曲線笑鳩me,又會串我溝女溝輸俾隻野豬咁。細個果陣既我係好要面子亦都好在意人地睇法既人,慢慢地俾佢地潤多我幾次,我都變得冇咁敏感,其實當你識得放低身段,已經係成長既一部份,唔要面,面皮厚,從來都係出黎玩既金科玉律,係咪好有用我唔敢講,但你出黎又要面又放唔開咁就一定冇癮先。
 
咁始終我同我個Ex唔係同班,見面既機會都相對地比較少。直到中五果年,一支公既我係同區搵左一份文職既暑期工,賺啲生活費又解下悶咁,你知啦,溝女唔使錢既咩?出去玩又樣樣都係錢。有一日,我收工既時候搭黨鐵去搵friend食飯,係月台又咁啱撞到個Ex,咁我地就好似朋友咁傾下計啦,反正大家都係去同一個方向。
 
我其實一早就放低左呢個女人,puppy love,易來易去都係正常,後面佢好似同人形豬師兄散左之後又同佢果班既一個男仔一齊。原來佢咁啱都係我果頭返暑假工,又係文職黎,本身唔係佢搵既而係佢男朋友搵既,但佢男朋友轉個頭又有另一份,佢就頂左呢一份黎做。有時候世事就係咁巧合,人生中好多野都好似整定咁,到宜家,我亦都越黎越相信命運呢樣野。
 




返返正題先,咁我地都係傾下呢1-2年過得點呀,同學既八卦,份暑期工係點樣樣既呢啲生活瑣事。原來我地都係扮工人士黎,我仲記得我當年返工,9個鐘工時,實際要做野都唔會超過3個鐘,普遍都係1-2個鐘就做完全日要做既野,淨返低要處理既就係消磨時間。自然地,我地開始返傾計,由MSN玩小遊戲,到大家拍拖溝女既小點滴,關係好似比以前一齊果陣更加親密,無所不談咁。終於有一日,我地講到性話題,
佢問我「你有冇試過搞野呀咁?」
 
「我…冇呀,你呢?」 (其實都只係試過同骨妹果次)
 
「都有既,咁……你會唔會想試下呀?」
 
「下,邊會有男人唔想架,但我宜家單身寡仔,想鬼想馬咩」
 
「不如……我同你試丫」




 
「好呀,咁好人既你!」
 
宜家諗返,細個果陣應變力真係差,條女都咁主動,我反而唔知點樣接落去好。當然,毒撚都最忌有自信,可能人地都係9up下既姐,咁認真一陣返到學校俾人唱,之後果兩年面皮又要增加3cm啦。我有3cm,加落碌野度唔好?
 
個話題就咁停左,我都唔敢諗太多,繼續上下網打下機過下日晨,直至3-4個鐘之後佢send左條link俾我。Click入去,原來係香港時鐘酒店指南,有講邊度有啦,價位啦之類。嘩屌,原來佢認真架喎,咁既然你盛意拳拳,我都研究左一下條Link既內容,由於我地都冇去過爆房,真係乜都唔識,最後我約左佢搵日收工去食飯,再去睇下尖沙咀間百佳O唔OK咁。
 
到左約定果日,成日都好緊張好興奮,但我地都保持日常對話咁樣,盡量做到好似冇乜野咁,但隨住收工時間越黎越近,大家都開始進入主題
 
「咁我地一陣食咩好呀,我上網睇附近有間蕃茄面好似幾出名,另外有間芝士撈丁都好似係喎」




 
「都可以呀,去到睇下邊間有位啦。係啦,有樣野要你幫幫手呀?」
 
(我心諗) 呢個時候叫我幫手咁有伏味既?
 
「Errr  你一陣可唔可以去買左套先,雖然平時都係我買開,但我真係次次都好驚好尷尬」
 
WTF? 你講到咁大件事原來係叫我買套咋嘛?言談間先知原來佢條仔係果啲細膽怕醜既人,連入屈臣氏買盒套都淆要叫條女去。所以話,做男人要有男人款,有勇有謀有承擔,個氣場呃唔到人,你成個女人咁邊個想俾你屌喎。
 
之後既一切都如常咁發生,我第一次去時鐘爆房,好彩個姐姐都好服侍,要咩登記收錢都出聲講我知,唔使我好似新手上路咁面矇矇。但作為冇乜性經驗既人,果3個鐘真係全程俾佢lead住我打,佢好似一個老師咁教我點樣做愛,亦都好似女朋友咁樣serve我,我宜家好多敏感位置都係佢搵到再令我知道。平時乖乖女,內裡原來咁淫,唯一表裡如一既係,佢平時返學成日都答到問題,估唔到床上都好似高材生咁識好多野。
 
俾佢揸左2Q之後亦都夠鐘了,我Feel到佢係鍾意我既,返屋企既路上我地都好似小情侶一樣。我不期然諗,你唔係有男朋友既咩喂,呢個問題我一路冇問出口,因為我知道我一講就會破壞左個氣氛,亦都可能會破壞左我地呢段日子建立既關係。作為一個性愛新手,我真係貪戀呢一份溫存,我享受同佢做愛,唔希望因為一個on9既問題失去左宜家擁有既野。
 
我地之後亦都keep住有約出黎食飯上床,到暑假差不多完既時候,佢揀左我,同條仔分左手,就係咁我地又係返埋一齊。年紀小小既我已經見識到女人派帽真係咁輕鬆,而係不久既日子後,我亦都見識到佢可以為左你飛左條仔,他朝君體亦都會相同。忠誠係自私面前係何其廉價呢,呢個道理係佢除左床技以外,帶到俾我既另一樣野。
已有 0 人追稿