上文講到單嫖獨毒,又一單過大海既故仔又係經典。有追文既巴絲都知道我有去過珠海食過紅顏知己Zoe啦,珠海的確係一個我幾鍾意既地方,離香港澳門近,但個節奏完完全全係慢幾倍,而我又幾鍾意食海鮮 (esp 鮑魚),所以珠海都變左我一個放鬆自己既地方。
 
So,我又再展開我洗滌身心之類,去澳門感受緊張刺激,再去珠海俾個人slow down返。我星期六晚如常係深圳clubbing,雖然寫到第26話都係食女食女食女,但當然唔係餐餐都有著落啦,由於準備開展一個小假期俾自己,心情太愉悅,飲大左兩杯,醒返就已經係中午十二點,地點係東門一間酒店。Well,又斷片,望一望隔黎,冇女,冇失到身,怎掩飾失望?
 
嘔左唔少出黎既我,起身已經肚餓,保少大摩未唔覆我機,我就自己貢左落樓去百佳買野食,果陣時一隻細既烤雞都係廿蚊左右,真心平,買完返酒店開個電視,佢啲機頂盒仲有電影睇,港產片唔少,但廣東話既唔多,開左套哥哥既《鎗王》黎緬懷下,再收拾一下就check out。
 
由於睇睇下戲果陣保少已經text我,我就同佢約好時間集合,陪佢食少少野就去篤兩板波,東門啲波樓又係平,廿幾蚊已經一個鐘,輕鬆又可以消磨到一個下晝。正當我想問保少夜晚食咩好果陣,佢條死仔同我講話約左女走先,其實可以叫埋我一齊食既,食飯姐,唔會食左你條女架喎我……
 
Fine,咁我早啲出發啦,果陣時深圳去澳門其實都唔近,搭車連塞都3個幾鐘,大巴我又唔太信得過,死死地氣搭大半個鐘地鐵去蛇口再坐船啦。一落車雞咁腳去到碼頭都仲要送船尾,屌咩,咁唔順既喂?望一望15分鐘後有班去珠海架喎,仲平成舊水,咁就即刻買飛上船,又係趕頭趕命,淨係夠時間買到支冰紅茶。
 




一上到船都幾多人喎,望一望自己個位係邊先,頭盅盅咁行下搵下,忽然有把女人聲叫
 
「阿言!你怎麼也在這裡呀?過來呀」
 
四圍望下,原來Kitty同佢朋友坐左係我後兩排 (唔記得Kitty係邊個既睇返EP21),乜又係你呀陳生?我見佢側邊都冇人坐,就過去吹下水啦,原來我地目的地都係一樣,賭場!佢個朋友宜家我就真係冇乜印象啦,好似係比Kitty肥少少既正常大陸妹啦,冇乜特色令我記住。可能由於佢朋友係度既關係,Kitty同我都好避忌,冇乜身體接觸。
 
搞笑既係,佢地都係買唔到去澳門既船就買左去珠海,唔同既係,佢地唔識路由碼頭去拱北口岸,原來諗住上的士問下就算,我心諗,條路咁近,的士佬仲唔帶你遊返三五七轉花園,行哂成條情侶路咁劏你咩?
 
一夜夫妻百夜恩,我就做下好人帶埋佢地去啦,就係咁我得到左兩個女伴同遊。呢兩條女真係典型冇計劃話出發就出發,忽然想玩就行動,酒店唔book,路唔睇,話就話想去玩一陣,宜家八點半,去到都十點鬆啲啦,關閘果陣時好似收十二點,計埋搭發財車,去到都唔知推唔推到十口,仲未計啲女要影相呀呢樣果樣。
 




落船之後就帶住佢地直衝澳門,過完關諗住任務完成就走啦,畢竟我既目標係黎賭錢,唔係cow女丫嘛,問佢地會去邊佢地話唔知呀,都係威尼斯人掛應該,威記係大陸真係幾出名,十個有八個第一時間都係講威記先,我就話我要去我主場銀河,你地自便啦咁。點知Kitty話反正賭具都係一樣,咁就跟住我去銀河,色即是空呀,此行真係大凶。
 
入場食住個勢即時搏殺啦,佢地都有跟住我玩,但手風就真係唔太順,輸下又贏返啲,都仲係負數,佢地兩個又話肚餓,到已經黎到半夜十二點,就求其同佢地係翠華食啲野,席間佢地話不如去威尼斯人參觀下,反正唔順就不如換場,我就話食完就同佢地去啦。
 
仲有件有趣既事,Kitty係著住高踭鞋,好睇就好睇既,但行起路黎又整損腳又唔方便囉,本身諗住做下好人打的過去既 (識路既巴絲應該知道兩個場係隔黎,行過去都係幾分鐘),點知澳門啲黑的話太近拒載,死DC9,咁唯有真係食飽散下步啦,我見Kitty行得都辛苦,於心不忍就出手拖佢扶佢,Kitty亦都冇乜野咁接受我好意,佢朋友望左兩眼都扮冇事咁繼續三個人傾下計。Btw,我一直都唔知Kitty朋友知唔知我地兩個之前既事。
 
過到去佢地去玩百家樂,我係附近骰寶台睇下,我自己唔太鍾意威尼斯人果種昏昏暗暗既氣氛,好少係度玩,出手都係就住就住,但好死唔死果晚又有啲運,係骰寶台連中十二口。反而雙姝手風比係銀河仲差,玩左一陣就話返去啦。當時都已經半夜三四點,我呢啲蒲開玩開既夜鬼就話仲精神姐,但兩個女仔都已經攰。
 
返到銀河再玩左一陣,Kitty都已經攰到側側地捱左係我身上,佢朋友見狀就同我講話佢去搵個friend,叫我睇住Kitty啦,使唔使咁益我呀喂?我仲想賭錢架……但我個人又真係太好人,我問Kitty係咪好攰啦,不如我搵個地方俾你休息啦。基於我本身諗住賭通宵先過珠海瞓,就冇係澳門訂房,好在係星期日,叫銀河個公關幫我問下都仲有房,快快手開左間房就扶佢上去,反正有房就不如抖下先算啦,反正有時間,賭場又開24/7既,所以我都留低左。
 




張床就係一張Queen size bed,諗住我地連野都扑過,瞓埋一齊都冇乜野姐,就一齊瞓啦。一攤上床,Kitty就一個轉體180撲埋黎攬住我,你做初一我做十五啦,你主動架咋,我就開始回應佢既求愛訊號,好快又大家剝哂衫褲係床。問心,我都好回味kitty既床技,每一個動作都好誘惑到我,過程唔花太多筆墨啦,同前面所及都大同小異,係今次佢動作冇再咁機械式,溫柔左同細膩左,一次比一次進步。
 
舟車勞頓左一日,大家都攰,搞左一次就一齊裸睡啦,Kitty好早就醒左,抱一抱我,錫左我面珠一野就話要走先啦,反正大家都唔同路,我就冇起身送佢,繼續大覺瞓,下晝先起身搏殺,近完女色之後運氣都差左,輸唔入肉就趕緊離場了。色即是空呀阿彌陀佛!
 
已有 0 人追稿