前兩篇講到保少溝女食飯丟低左我,而佢既努力都係有回報既,好快佢就通知我同左Daisy一齊。今集就停止屌女住,講下一啲個人見解同感想先。Daisy係Yanis既好姊妹,但相比之下佢外表同EQ都比Yanis成熟。其實我同Daisy都好friend,as mentioned,我係佢地班女眼中由外表到內在都算係唔錯既,可謂淫而不賤,咸而不濕,而我都好欣賞Daisy果種高IQ高EQ既表現。
 
由細到大,我都唔信男女會有純友誼呢回事,直到識到Daisy,我一樣都係唔信。我同佢係好朋友,大家相處好舒服,傾計都好開心,都唔會避諱一啲身體接觸,但佢好識得點到即止,真係發乎情止乎禮,我諗我地最越界既一次應該係飲醉酒打左一次茄輪。我珍惜呢個朋友因為佢真係難得地同我傾到計,我唔會想溝佢但你問我有得屌的話還是會屌的。
 
佢同保少一齊其實我都幾意外,始終一個咁識諗既人會選擇係夜場揀男朋友係令我有啲諗唔明白。不過保少個package係幾好既,我個樣生得後生,可能玩味比較重但保少完完全全就係男人果種剛陽氣,身型夠健碩,思想亦都比較傳統同成熟。
 
雖然保少日撚日都口講要幻幻,但觀乎佢同Daisy一齊果段時間,其實佢都幾開心,佢果種相處模式有啲似我同晶晶果陣時,我地係酒吧會玩得盡興,Daisy亦都會好避忌,唔會同啲唔熟既男仔玩太埋 (真係好似晶晶咁好)。保少就算點玩都好,最後都係由Daisy照顧佢陪佢走。果時我冇長期飯盒,以我同佢兩個既熟絡,佢地成日食飯都會預埋我,收獲呢段友誼亦都係我出黎玩其中一個得著。
 
好多人會諗,中港聯婚係咪一個好選擇?我諗從來一個人揀伴侶唔係在於國籍,而係在於價值既。兩個人一齊有共同嗜好話題,相處開心,價值觀近咪得。當然,有好多大陸妹係為左香港身份証或者其他福利而想嫁過黎,但所謂呃,好多時都係呃啲老野,50歲阿叔娶24歲𡃁妹,阿叔做咁多年人唔通就唔知咩料啦喎?呢啲就叫明賣明買,唔係呃啦。
 




好多人會好似Daisy咁,「政治唔關我事」,「中國真係好好」,「足夠自由啦,都唔差啦」etc。但我都識得有女仔係會反共,19年既時候睇到香港實際情況會喊。換個角度睇,以佢地接觸到既資訊同從小受既教育,能夠做到一個中立撚已經算係咁。從生活上黎講,如果大家有興趣既,可以先試下係廣東長大既女先,佢地大部份人睇TVB大,大家可以有共鳴同佢地會知道香港人既生活習慣,而且食野口味都算係近。
 
講返保少同Daisy先,佢地一齊果陣,保少當然都仲有flirt女啦,但佢對Daisy都算係幾上心,大時大節食飯禮物唔會少,平時亦都會俾好多心機時間陪佢,保少亦都唔會抗拒娶個大陸女仔。我本以為佢地會發展到結婚,但忽然有一日保少話佢地分左手,再見亦是朋友。大家做返friend,仲會一齊出黎玩,好似冇事發生過咁。
 
再過左一兩年,Daisy忽然就同我地講要結婚,仲請左我、大摩同保少三個去飲。到宜家,細路都生左兩個,即使冇見面我地都仲係會keep住傾下計,交流下大家近況,好難得地佢得閒仲會約出黎玩,但作為人妻人母,當然冇辦法好似以前咁玩到咁夜。其實可能好多中港情侶都係,最大既差異係在於適婚年齡,佢地好多都想一早結婚,有仔趁嫩生,而男人普遍都未玩夠,仲要係香港男人。我同晶晶藍藍其實都係大同小異。
 
已有 0 人追稿