起身第一件事,搵左兄弟先,兄弟劈頭第一句就係
 
「你個死仔尋晚就爽啦,屌到宜家先醒起我呀?」
 
我見事態嚴重都已經冇心情同佢廢up
 
「屌你,出撚哂事啦,我條女尋晚call撚左我三鑊我冇聽到電話呀」
 
「抵啦,屌閪屌到條女姓乜都唔記得啦,佢尋晚send埋message俾我tim」
 




「下……咁你點答佢,我快手寫文作個故仔」
 
「下……我撚知你同佢講到邊,又幾點唔見人咩?但佢搵得我都兩點幾,咪話你條仆街仔瞓左囉,然後send左張相俾佢」
 
「相?咩相呀?」
 
「你尋晚玩得興起果陣既攬女相囉屌,仲有咩相」
 
「屌你咩,咪撚玩啦」
 




「你前晚飲完摸完港女返黎咪好快瞓著左既,我偷影左你相諗住拎黎笑鳩你,見好似啱用咪俾你條女頂住檔先囉,唔係你估佢三個電話就停手唔打啦喎?識做就叫聲恩公先,其他故仔你自己諗埋佢,唔好叫我幫你記呀。」
 
一起身嚇撚左鑊,終於可以抖啖氣,而係我準備收線之際,我一路都忘記左既瑜瑜忽然出手摸我賓周,仲有啲晨勃既小言係佢突襲下又有硬起身既意欲,瑜瑜chok左兩下,就彈左我賓周一野。
 
「哼,滿腦子都是色色的」
 
喂阿姐,晨勃你識得鐵咩屌
 
然後佢就起身刷牙洗面,我話我同朋友報個平安咋喎,佢先醒起要問下戰鬥格點。我哄埋去一齊睇佢同戰鬥格既對話,原來佢同大摩飲到wing哂,原本佢仲話要去KTV繼續飲,但大摩話你都醉左啦,下次先,就送左戰鬥格返屋企。重點黎啦,究竟大摩係送到佢返屋企?定係送埋啲子孫入去呢?
 




「瑜瑜,你猜他們兩個……有沒有?」
 
「你們這些男生都是一個色樣的,肯定有吧」
 
「我猜沒有,要不要賭一把?」
 
「賭什麼啦?」
 
「如果我猜對了,你要再陪我一天,帶我在台北玩。如果你猜對了,今天晚上我請你吃飯喝酒。不虧吧?」
 
「屁啦!虧死了啦!不就是都得陪你嗎?」
 
「哈哈,我感覺挺公平的呀,來來來,問問結果看」
 
結果當然係我估啱啦,我同大摩一世人兩兄弟,佢埋門脫腳呢家野我仲估唔到咩唔通。出黎玩求開心丫嘛,懶君子丫嘛,唉。瑜瑜都願賭服輸,但佢話要返屋企換件衫先,問我今晚係咪都係返黎呢度?咦?今晚,你個咸濕妹食過返尋味?我當然扮冇野話好丫,然後襯佢去廁所果陣打落前台話續多晚房先。




 
我送左佢上的士先,之後我都返酒店會合返班兄弟,同換件衫。返到去我受到英雄式歡迎,成功為港男爭光,劍指寶島,炮轟台妹。同時我都開始作下故仔,講下尋晚做乜咁早瞓呀,今日去邊之類啦,但問題黎啦,我都唔知今日瑜瑜會帶我去邊。唯有求其拎個作好既行程出黎,幫自己洗腦,今日就會去做文青,飲下咖啡睇下文藝野,夜晚再去夜市搵食!冇錯!今日就係咁,自己都腦補哂啲畫面情節出黎,好在多得兄弟尋晚有圖有真相,唔係我真係第二晚就戰死沙場。
 
換好衫裝好身坐一坐,兄弟就問我今晚點好,呢個問題我又真係冇諗過喎,食髓知味再返食瑜瑜好丫定係繼續打獵其他台妹好呢?今晚星期六,一定好好玩喎唉,我先confirm左兄弟話夜晚直接係酒吧見再算啦。先打個的去搵瑜瑜,佢約左我去西門紅樓等,我一落車已經見到佢係度等緊我啦,台妹真係尾機到連性格都好,守時唔會要人等,今日既瑜瑜著左一件米色長冷衫,長度啱啱好遮住條短裙仔,一雙光滑玉腿show哂出黎,斯文可愛又有少少性感,我正式宣佈台妹世一!
 
可能天氣有少少凍啦,佢一黎就即係撲過黎撓住我,你咁Gfable得唔得架?成日行程我交左俾佢,佢第一站先帶左我去一間老舊既咖啡店叫蜂大咖啡飲杯野醒醒神先,其實都唔需要啦,我見到你咁少女打扮都已經精神為之一振,間coffee shop裝修好有香港舊式老冰廳既感覺,同佢杯啡真係好得下,香到PK。
 
然後佢帶左我去松山文創園同旁邊既誠品松菸睇下一啲文化野,值得一睇既係瑜瑜真係會好俾心機去睇人地啲工序同埋理念,真。文青黎,唔係港女式去啲文藝地方影相打卡嘈喧巴閉做埋啲俗不可耐既事。而且佢仲好細心,問我有冇諗住要買咩手信返香港,我答佢最好帶個過埠新娘返去啦,佢笑我無厘正經就揸主意帶左我去微熱山丘門市買鳳梨酥做手信,呢間野宜家就話周街都有,但果時真係要特登去門市買,仲要勁多人,不過佢個舖好有藝術氣息,同埋啲女店員好正,有個金毛地方媽媽feel既大波妹真係睇到我心猿意馬,不過瑜瑜係我身邊,唔係我一定即刻上去抄牌扣佢五十分!
 
全日我都係send返啲風景相呀,尋日整手工品既圖俾條女,好似……真係過到骨喎。係丫,我今日就係做文青,我自己一個人,我現時自己肯做飯,全部都係真既,我冇呃自己,真係幾經辛苦先至將個思路適應好。夜晚瑜瑜帶左我去饒河夜市,本身我都成日去呢度,都識識地路既,不過係瑜瑜面前就扮哂無知俾佢做下淫賤俏導遊啦,全日對住兩個女人都要扮哂野真係好攰lol。
 
陳董既藥燉排骨真係高度推介,瑜瑜當然都有帶我食呢檔,佢仲問我坐係路邊食會唔會唔習慣,我話唔會啦,我地係香港一樣都係會踎大排檔,佢對大排檔都好有興趣,話下次黎香港要我帶返佢去。期間有個小插曲,坐係我地身邊既係一對香港小情侶,一路食一路係度細聲講細聲笑,瑜瑜問我佢地覺得呢檔野有咩咁好笑,我就哄埋佢耳邊
 
「那個女的說這是很補的東西,叫男的多吃一點好好補充,為了今天晚上,你看我要再來一份藥燉羊肉嗎?」
 




瑜瑜細細力咬左我耳仔一下,然後睥左我一野,但咀角係度微微偷笑,我重申,瑜瑜果種甜度真係我成世仔見過最sweet既女仔,少女感又重,我仲記得當下見到果個表情,真係成個心都融化左咁。
 
食飽之後其實時間都仲早,我就話不如散步談下心消化下,我地返到去台北101附近既一個公園,買左兩杯珍珠奶茶係一張長椅度坐低傾下計,慢慢就由生活講到去感情事。瑜瑜同佢男朋友係中學師兄妹,當初佢地一齊係台北讀書,佢師兄追左佢好耐先追到,一齊讀書果陣梗係溫馨啦,最多都係有啲小爭執,但都係床頭打交床尾和啦,但畢業之後瑜瑜就留係台北發展,而佢男朋友就返左花蓮幫屋企間舖仔手。話就話同一個國家,但來回時間都幾係野,而且舟車勞頓都辛苦,見面可能都係一個月一次左右,再加大時大節生日之類。
 
呢類故仔我聽唔少啦,兩個人分隔,又會多猜疑又會怕寂寞咁,佢一個女人仔都係想有人陪係身邊分享分擔一啲事,其實都明白既。年中都唔少人表示對瑜瑜有意思,但佢都一一拒絕,因為佢希望可以係男朋友面前理直氣壯咁話自己冇做錯過。慢慢地,呢個想法變左個枷鎖同壓力安係佢身上,好似係要規範自己咁做而唔係由心出發,所以佢尋晚先同戰鬥格飲酒傾計,係冇諗過佢會忽然話黎club下場姐。
 
係呢一刻我覺得我成熟左,成熟既地方係在於冇再做啲ON9野,以前我可能會問佢咁我地係點?why me?我係咪破左你個戒?
 
但我將所有既問題吞返落肚,輕輕力摸左佢個頭兩下,再將佢個頭拉埋黎我心口上面靠住。我一句說話都冇講但呢個瞬間已經係無聲勝有聲,我一啲都冇唔規矩,只係想安慰眼前呢個咁可愛既女人。
 
「對不起呀,突然就哭了呢,有嚇到你嗎?」
 
「沒事啦,人總要學會軟弱,讓我給你一點點溫暖吧」
 
「我OK的,謝謝你啦」




 
「別要那麼客氣了,畢竟我不是對每個女人都那麼體貼,你就珍惜一下吧」
 
瑜瑜伏係我度幾分鐘之後就回復正常,佢問我等陣係咪仲要去飲酒,我就話係呀,約好左朋友,預埋你架啦,佢都冇turn down我,一身文青look仲要冷衫咁去酒吧,都幾格格不入哈。
 
已有 0 人追稿