半夜既台北其實都幾少車,DC6都踩到盡話咁快就將我送返ATT4Fun,講緊只係15分鐘,我欣賞你!距離散場都起碼仲有個幾鐘,真係唔好浪費即刻行動先。先同兄弟打個招呼先,班死仔見到我個個都面露詫異,但個個都攬緊女玩得開開心心,連串鳩me既時間都冇。
 
值得一提既係有個老死,識左十幾年,婚都結埋,平時都冇出去玩,最鍾意就係睇波做運動既姐,今次行程見佢晚晚都有女埋身,講緊係啲女主動埋身喎。你知啦,有時出去Yo女,唔同係東莞揀女嘛,啲女好少單獨行動,最少都三兩個啦,除非你係EDC或者羅智障級數,唔係想一次過兩飛三飛真係唔係咁易架葉師傅。所以基本上一Yo就幾條女埋台,咁我呢個老死就唔會主動出手架啦,但埋到台,唔少女都會主動去撩佢玩投懷送抱,進擊的台妹呢家野真係再乖既仔都頂唔順啦,晚晚都見佢同啲女又攬又咀,到宜家搞到佢成日都會心思思想去蒲。所以話,各位女性如果要揀男人,最好揀啲玩夠既而唔係未玩過既,因為佢地一但打開左呢個異世界既大門,可能就好難出返去。識揀既,就當然係揀我呢啲回頭浪子啦。
 
講返我先,咁我見佢地個個都玩得興起,我都唔想打搞,馬上直奔舞池,兩點幾三點呢個鐘數都係黃金時間,啲女一定飲左唔少先,仲要三點都未走,擺到明爛玩或者等著落啦,呢個時候我只要使用一對居高臨下既眼神同一條強而有力既臂彎,今晚就肯定可以一站到底!(One night stand)
 
正當我快速搜尋期間,Flora竟然都未走,仲係舞池度,俾三個台仔圍緊,都正常既,Flora本身又唔差,而且港女對台仔黎講,就好似台妹係港男眼中咁,係另一個層次,可能係隔黎飯香啦,但我會覺得佢地唔識食姐。啱先先俾瑜瑜條台仔男朋友阻撚住,你班契弟宜家又係度督眼督鼻,算你地唔好彩啦,我徑自行埋Flora身邊,一下就拖佢埋身攬,因為我動作都好利落,台仔阻唔到我,Flora都冇望清我,佢嚇一嚇就一下推開我,然後佢見到係我又再嚇多嚇。
 
我一手攬住佢條腰,然後問佢




 
「有台仔溝就囂張啦,一野推開我啦」
 
「俾條台妹飛起左呀?抵啦?」
 
「挑,我牙齒當鳩使,話左返黎就返黎,你宜家知我咩料啦?」
 
「知,戇鳩仔囉」
 
我一下用力揸落Flora個屎忽度,佢成個人震一震,然後好快反應咁揸返我碌鳩。雖然話來而不往非禮也,但你咁樣揸我賓周就係性明示而唔係性暗示架啦喎。我抱實Flora咁同佢起勢咀,側邊果三條台仔本身都仲未散去,一見大勢已去就鳥獸散啦。挑你,有神快拜啦,學野啦細佬。




 
我以一個勝利者既姿態享受緊既時候,一張開眼,見到Flora果兩個男仔friend離遠係度笑。不過個笑容我估應該同我冇乜關係,因為佢地兩個已經分從左右夾住一個台妹,仲要係巨乳台妹,對波大到我離遠都可以見到有幾咁偉大。條女個樣有啲似當年既宅男女神—搖搖,又係一個童顏巨乳,一條黑色低胸長裙,對波谷到籃球咁撚樣,一路係舞池un,對奶一路上下搖。佢對奶上下震動得越勁,我心跳亦都上下跳動得越勁。
 
Flora唔係話唔好,港女左啲囉 (其實重點係冇乜波路)。我望到入哂神,Flora都察覺到
 
「又睇緊咩呀你?𥄫緊邊條女?」
 
「我見到你兩個friend姐」。我手指一指遠處
 
「妖,死淫蟲,見人波大啲就流撚哂口水咁」




 
「我想過去讚你兩個friend識食姐,咪屈啦」。Rule number one,永遠都唔好認,狗咬都唔撚認。
 
「你地啲男人係咪咁膚淺淨係識搵大波既?」
 
CLS,唔係呢?乳房作為性徵,梗係吸引異性架啦。再者,物以罕為貴,平時睇開iPad大細,宜家有部65吋大電視,梗係好睇好多啦。我借頭借路話去拜師學藝,就拉左Flora去搵佢兩個朋友,大佬,籃球咁大對波呀,唔買都埋黎睇下啦。佢兩個朋友見我地埋黎都有少少尷尬,我作為氣氛組組長即刻帶動下氣氛先,我拉住佢兩個,三條仔手拖手組成一個三角形,將兩個女仔圍係中間,完全阻隔左外面既進攻,又可以收埋去包圍佢兩個,充分發揮西班牙式Tiki Taka既戰術威力。
 
我地三個梗係越哄越埋,開始都有啲身體磨擦啦,當然係指搖搖啦,人地突出啲丫嘛,Flora我仲未掂到囉。搖搖對俾我地三個圍都相當受落,係中間都盡情熱舞,又會出手撩下我地搭下我地咁,Flora都唔落後,雖然有啲被比下去,但如果單獨黎睇其實都幾吸引,不過咁,大家既目標當然都係搖搖啦。
 
忽爾,搖搖面向我搭住我膊頭,跟手慢慢埋身起勢咁磨我,我成個人硬直左,你對奶頂得我好辛苦呀屌!咁大對奶隊埋黎,食撚正個波餅呀,我碌鳩都硬哂忍得好辛苦,其他三人自然就不是味兒啦,Flora又唔會想磨佢兩個friend。我估我地當時四個人表情都好撚尷尬,我要估係因為我都唔知我當時個表情係點,一片空白,爽就梗爽架啦,但Flora一陣殺意既目光射埋黎,兩條仔又兩抽憤怒的葡萄咁……
 
搖搖自個玩得興起,越跳越賣力,越賣力越貼身,越貼身我越硬,佢仲跳到跪係我前面,嘩屌,居高臨下咁望佢對眼,真係淫到出汁,我都忍唔住要拎出我強而有力既臂彎,捉實佢個頭扶返佢起身先。首先,你再係咁我怕我今日行唔出呢個門口呀,第二,你意淫到咁我真係驚我把持唔住要即時夾佢去廁所港台交流下,第三,我自己其實都幾怕人大庭廣眾跪係我面前,尷尬囉。
 
搖搖微微一笑俾我扶返起身又繼續係度跳舞,我地三條仔都換個位置,變左佢兩個對住搖搖而我面向Flora,佢個樣有啲嬲爆爆咁,我個心即時盤算左一陣,然後就拍一拍佢個friend膊頭以示鼓勵,再拖住Flora行返台啦。
 




有時有啲野,見好就收啦,黎到台灣,台妹就食過啦,又俾台妹撩過,最低限度都已經叫不枉此行啦,搖搖我想唔想屌?想晚晚都屌到腎衰竭啦,但現實咩?以Flora呢個狀態,返到香港分分鐘有得keep住玩,為左一時之快而少左個stable既partner,好似唔化算喎。再講,君子不奪人所好,你兩個mark左先既,我出手搶就於禮不合啦,雖然話大家都係萍水相逢,但同為異鄉異客,都係一種緣份,我就忍痛割愛係啦。
 
兩條仔即時就笑容返返黎,Flora個神情就有啲奇特,面口就都係唔多好架啦,但又好似有少少咀角上揚咁。返到梳化都仲有少少時間先開燈散場,有個兄弟戰敗倒下,瞓左係條女兩腿之間。呢條女又係奇情,佢一黎到已經係咁痴住我呢位兄弟,成晚都形影不離,雖則話條女年紀上望落明顯冇其他在場既青春,但俾盡可能都只係三張野,而且身材前突後翹亦都打扮得相當戰鬥格,送到上門又豈有不屌之理?
 
然而我都冇時間理其他人,同Flora又開始碰杯,連續劈左兩晚,戰力都已經逐漸下降,輸左幾舖枚之後我都有少少wing wing地,但我人就係硬頸,氣勢唔可以輸,深呼吸幾下,即時扭轉劣勢,我地兩個講真都貓貓地,我得勢不饒人,拎左一板shot出黎同佢劈齋lit,呢獲仲唔收你皮?
 
但係殺敵一百都自損八十,下一個畫面已經係我係酒店房,老撚咁遠果間酒店,Flora就瞓左係隔黎,衫就有著既,但bra呀底橫就係床上面咁囉,而我自己就得條孖煙囪。我開始recall返個記憶,好依稀有一兩個片斷係有屌過咁,但我又真係諗唔起係咪真係有,又唔見有用過既套。Flora都醒左之後,佢望一望我,就撲埋黎我心口攬住我,唔通佢記得咩事?我問出口有冇屌到佢會唔會好怪?我有冇亂講過啲咩?唉屌,冇記憶呢種感覺真係好差。
 
Flora話返去搵返啲朋友先,著好衫就走先,仲叫我夜啲先搵佢都OK。我都未反應得切佢就出左門口,我係廁所搵到我部電話, 0個missed call,幾個messages。打開一睇,都係大摩搵我咋喎,佢只係擔心我去左邊姐,send左幾個訊息俾我冇覆就assume我風流快活緊唔理我,你個仆街都幾了解我呀下。
 
起身check out返酒店,計埋我得4個人既喂?尋晚戰敗左瞓左係條女玉腿上既果位兄弟唔見左人喎,聽佢地講好似話個女仔出聲話會照顧佢,兄弟又迷迷糊糊咁叫佢地走先,咁就由佢啦,好在唔係大陸姐,唔係少左幾個內臟你就過癮。不過有口話人,我都冇口話自己,成日飲到斷片呢個壞習慣真係要戒。
 
之後兩晚都冇乜特別,大家正常發揮,攬女溝女但冇乜故事,我就都有同Flora keep住send下message flirt下咁,佢地星期日就咁行街食飯冇去玩,星期一就返左香港先。我同兄弟就帶住一堆混亂不堪既故事同迷思由桃園飛返赤臘角,閒時我地成班佬聚會都會拎返出黎講下笑下咁。
已有 0 人追稿