上文提及,Katrina成個人好似入左邪教組織咁,吹到我講咩都係真理,仲自動獻身埋黎又咀又抱,當正自己係表哥而我就係霍景良咁。諗諗下,我都好耐冇食過港女,無他既,港女外在出眾既又睇唔上我,睇得上我既都唔係省油燈,又要溝又要氹,少啲心思都搞唔掂,市場上有國貨又有寶島貨,所以本地野我都冇乜特別大需求。
 
守左齋咁耐,面對咁進取既Katrina,小言自然亦都有反應,不過咁,成班兄弟望住哂,仲有成台女係度準備睇戲,大庭廣眾就地正法佢好似唔多好掛?唔通同人講進行緊邪教儀式,我顏射佢就即係灑佢性水咩?我就冇野怕既,一陣俾人擺左上網我返到去恐怕行炭路都解決唔到。結果我終於做到理智戰勝性慾,雖然我隻手都有攬返住Katrina,同佢亦都咀到𠽌𠽌聲,但就僅此而已……暫時。換轉係平時,或者以前既我,一手就揸撚左落去,過多幾秒連Bra扣都鬆埋佢啦,阿彌陀佛,施主你真係好彩。
 
係我回復理性既同時,即刻拎起隻杯就叫「望咩姐,睇完表演就找數啦,飲啦!」。呢啲時候唔飲酒舒緩下個尷尬感,唔通學術討論下我啱先條脷係入面轉左有冇180度定係我隻手離佢對波垂直距離有冇2cm咩?大家feel到冇野玩冇戲睇就唔再起哄,繼續玩啦,咁當然,班死仔就梗係見我得米就發力啦,仲邊有時間係度起哄玩鳩我丫。
 
問題就黎啦,雖然話大街大巷唔係咁好姐,咁換個冇乜人既地方咪……。我內心都有少少掙扎同考量,第一,雖則我個人冇淨幾多道德可言架啦,但始終人地都有個未婚夫,個牌頭又比男朋友唔同喎,我呢啲讀聖賢書既人總算有少少枷鎖既。第二,前文所及,我地住埋同一區,如果有時咁啱同另一半一齊又撞口撞面,有咩尷尬感或者行為表情異常容乜易就俾人斷到正一正,女人係捉奸方面真係擁有異於常人既能力。第三,呢度成台人望到實,俾班老死知我搞人未婚妻會點睇我,叻仔?定禽獸到咁?Katrina又要面對佢姊妹咩既目光呢?
 
我相信以上問題是但一條我都可以拎出黎做題材好似考A-Level咁最少寫返二千幾字先,但飲完酒個人有啲Hyper,思考能力都弱左,都唔知應該點好。一於謀靜而後動,得之我幸失之我命啦,唔好太chur太進取,有啲野整定既,有就有冇就冇啦,真心又唔差在屌到多一個閪,我成日都覺得我鍾意蒲係因為我想係夜場透過Yo到女去証明自己既魅力,今晚其實個主任務都好似已經達成,扑野黎講,都好似已經變左副本。
 




不過講就係咁講姐,Katrina見我停左手係度飲酒,同我貼到實一實咁坐,一隻手拖我,另一隻手放係我大脾上面,放放下仲係度掃黎掃去,大膽信徒,我一心行善放生你居然主動批逆鱗?我忍你!我開始回歸大部隊,玩下骰猜下枚分下心先,但Katrina全程人盯人,去到邊玩都係痴實我,手就一直掃我脾,又係咁隊個心口埋黎餵我波餅,雖然稱不上係好雙乳,但一對溫香軟肉隊埋黎都幾舒服既。值得一提既係Even我掟飛鏢果陣佢都有一齊玩,但玩還玩,我真係唔明點解有人掟鏢瞇瞇地眼之餘,竟然仲要伸哂脷,多左啦嘛?
 
玩到咁上下,坐低休息之時Katrina又黎撩我傾計,不過今次有啲唔同,之前我地係坐到好近咁傾,今次佢係直接哄到我面珠度咬耳仔,佢第一個問題我到今日都仲記得。
 
「你一日最多試過幾多次呀?」
 
唔怪之得你個衰妹要黎咬耳仔啦,原來想dirty talk!
 
「唔太記得啦喎,六七次左右啦,24小時計」
 




我明明可以好似高登或者連登咁,鳩UP一大堆搞笑答案出黎推搪左過去順便搞下氣氛,但我唔知做乜腦袋一熱,正正經經咁答佢。
 
「個個都話自己七次郎,有幾多個係真架?」
 
……我都話我牙齒當鳩使,呃你做乜……
 
「細個果陣體力好,對性又好奇又大慾望嘛,有一年我屋企人去左旅行,我自己係屋企,梗係叫女朋友過黎玩啦,一男一女血氣方剛,唔通玩飛行機或者天下太平咩,入門口第一步就抱起佢屌啦,之後我都唔記得幾多次啦,總之就係屌到攰就瞓,屌到餓就食,無日無夜咁食、瞓、屌閪,到最後記得好似叮噹咁,變左空氣炮,有射精既快感但基本上係冇液體出黎架啦,而且真係會屌到啫都酸痛」
 
呢個故仔都係真既,果時我仲讀緊書,同果個好淫既女同學,撩我爆房果個女朋友呢。
 




「都唔知係咪真,我最勁都係試過一日兩次,又冇咩特別姐」
 
……同樣都係俾人騎,馬都仲話要跑丫,你瞓係度又幾頂唔住呀會
 
「呢啲野,因人而異既,總會有人係扑得爽啲既,就好似每個人敏感既地方都唔同,你耳仔敏感但我整你對波,你都冇咁有feel啦」
 
「咁你最敏感係邊度?」
 
「個頭,Lin頭同埋龜頭,你呢?」
 
「唔知呢,發掘下囉你」
 
我重申,我真係冇落迷姦水,但呢條女搞咩呀喂,性飢渴到咁?我笑笑便算,拎起杯酒就飲,宜家我將個故事打返出黎先發現,原來呢招就係傳說中既欲擒故縱!我想証明自己既魅力,可能人地都係。換個角度諗,呢種模稜兩可既態度,如果我面對到可能都會更加想去征服。
 
「Let’s see then…」




 
果一刻我其實都幾清心寡慾,唔知食錯咩藥咁,面對咁既引誘都冇即時的佢走。
 
「可能我同男朋友一齊得已經太耐啦,所有野都好平淡好自然咁,連搞野都已經好耐冇高潮過」
 
性暗示星矢!無敵既結衣聖衣!不過咁,Katrina係勾引緊我姐,又冇話要做咩,亦都冇話我地走先,敵不動,我不動!時間已經黎到朝早六點幾,係我地咬耳仔途中,其他人都已經展露睡意話想走先,當佢地叫Katrina走果陣,Katrina竟然話「哦,好丫,咁你地走先啦,我地兩個傾多一陣先」。結果就係所有人都陸陸續續走哂,得返我地兩個人,咁即係擺到明駛走佢地姐。
 
之後我地兩個就拖住手落樓啦,落到樓下,佢即時整個熊抱埋黎。
 
「阿中呀,我覺得我地真係真係好夾呀!呢個世界點會有人可以好似我地咁相似又咁了解到大家架?你做咩唔早啲俾我識到你喎?宜家點算好喎」
 
你冇睇錯,佢係叫我阿中,出黎玩,多幾個名安全啲嘛。同埋,你想我點答呀?中二病咁同你講我先係真命天子黎,悔婚啦你咩?
 
「咁你自己要諗清楚啦,每個人追求既野唔同,有啲野冇話啱同錯,唔同時間點追求又會有唔同,我呢個身份又真係唔方便俾太多意見你」
 




「點解你仲要幫我諗埋咁好喎?我宜家成個人都好亂呀。如果今晚我地唔搞你會唔會唔開心呀?你真係好好,我唔想我地第一次見面就搞,好似會污染左我地段關係咁」
「哈哈,仲今晚?宜家天都光齊啦喎,其實我又唔係為搞野既fuck boy,真係冇野呀,你慢慢諗下應該點做先啦,我送你返去」
 
「好呀,多謝你呀,仲肯送埋我返去咁好。唉,你對我越好,我就越難去選擇咁」
 
我會覺得Katrina都幾天真爛漫既,或者可能係電視膠劇睇得太多?我呢啲都可以叫好男人都幾痴線,送埋佢返去都係順路咋喎,我屋企行去佢度先至5-10分鐘,反正我都要飛的返屋企架啦,順路到咁唔係唔送嘛?但問心,有冇諗過扑Katrina,梗係有啦,唔太差又主動,正常男人都有意思去馬啦,何況我呢啲禽獸。不過現實係我又冇真係好大既慾望想要食左佢,如果換左係瑜瑜或者台灣果個大波妹搖搖,可能骨都冇乜淨啦。
 
如是者,我揚手示意,就同Katrina上左車,那天白晝,我們坐上了開往XX的紅的。欲知呢架紅的係開左去目的地?平行時空?定係九龍塘?且看下回分解。
 
已有 0 人追稿