同Flora一齊(?)之後,某程度上係令我好似後生返咁,有種細細個果陣同心儀既女仔互Flirt傳情果種感覺,而且因為我地各自都有另一半,大家可以分享好多生活上既小細節,例如食左咩好食既餐廳,有咩地方適合打卡,又或者節日送禮之選推介都有。
 
我地算係Friends with benefit? 定還是Secret lover? 我自己都唔識得去定義,唯一可以講既就係其實我幾熱衷呢種關係。可以得到係伴侶身上得唔到既野,而大家都知道分吋,真係未有過的愛情,但有種溫馨~~~~。
 
而且,仲幾刺激,呢種不為人知既關係,令到我地每次出街都好緊張,會唔會撞到另一半呢?或者佢身邊既朋友?拖下手攬下錫下都只可以係冇人既時候,或者戲院睇戲果陣。講起睇戲,基本上戲院都成為左我地前戲既地方,睇睇下戲就拖手,揸波(微波),再摷下,試過慶烚烚直情戲都唔睇完,直接去開房。
 
如是這,我地都keep住呢種關係成半年左右,我當然享受啦,享齊人之福又可以係Flora面前做自己,有咩感情問題仲有個紅顏知己俾我諮詢。我同Flora最多溝通既時候就係返工果陣,算係我地難得既me time。有一日
 
「星期六有冇野做呀你?」
 




「做咩呀?又想睇戲呀?」
 
「有定冇呀?」
 
「要陪女朋友呀,應承左佢去海馬公園呀」
 
「屌,我都想去呀」
 
「你地又一齊囉」
 




「You sure?」
 
「反正都係偷偷地見面姐」
 
就係咁,我地黎左一次秘密既約會。其實都幾難,係OP入面基本上成程都係同條女痴到實,唔係借頭借路去廁所都好難可以contact到Flora,而佢亦都要偷偷地睇message。本來以為好容易瞞天過海,點知要見一面都幾有難度。終於我地成功約到係碰碰車到見面,成程我係咁Bump鳩Flora同埋佢條仔,當然,都要同女朋友互動下啦,扮哂野追住佢黎撞但又追唔上咁。
 
然後我地又約埋去偶遇睇企鵝,我同女朋友仲企正係佢地附近,有去過都應該知入面真係好撚凍,我捉起女朋友雙手擺上我面珠俾佢取暖,Flora見到就同佢男朋友講「你睇下人地男朋友幾好幾貼心丫」。我望一望佢,又望一望我女朋友,笑一笑就行開了,此地不宜久留呀屌。咁好在條女好似都冇察覺到啲咩,唔係就真係玩出火。
 
其實呢種偷情既感覺係幾刺激,但年紀大啦,越黎越細膽,我有諗過,如果穿左煲會點?大不了咪同Flora一齊,但諗深一層,係咪我想要既野呢?我係鍾意Flora果種勇敢同玩得,但到拍拖係咪又係同一回事呢?有人講過,鍾意一個人,係你喜歡佢既優點,愛一個人,係你包容到佢既缺點。我覺得,我只係鍾意Flora,但愛我女朋友。
 




我唔知人本身就係咁奇怪既動物,定係我就係咁奇怪既人,自從果一下有左咁既想法之後,我竟然想同Flora保持距離。或者話,我唔介意肉體上既接觸,但我怕Flora會沉溺落去,亦都唔想成日有太大既精神壓力。之後既日子,我少左同Flora情感上既交流,只係保持偶爾肉體上既碰撞,直到有一日,我狗仔式咁推爆左Flora之後,我地攤係床上面喘息,佢問我
 
「你覺唔覺得你唔同左?」
 
「係咩?你想講我勁左?」
 
「係冇左一啲感覺」
 
「……你既意思係?」
 
「你對我已經唔係好似以前咁」
 
出現了,女人真係好鍾意呢句對白。
 
「唔會丫,我都係咁鍾意你丫」




 
「感覺呃唔到人既,其實你自己都知道」
 
「或者咁講啦,我仲係鍾意你,但只係鍾意囉。如果好早之前就識你,可能我地會了解對方更多,可能我會愛上你既所有,但冇如果,你出現既時間可能係遲左,亦都可能係早左,但係呢一刻,我冇辦法行前多一步。」
 
「嗯,我明白,係台灣果陣你都唔係選擇我,所以返到香港我都冇強求。我以為係La Luna果晚係話俾我知我地有緣,你忽然會搵我,而我又真係係附近,我有掙扎過要唔要黎見你,點知結果都係一樣,我點都唔係你既首選,但我唔想做後備呀,俾我選擇一次好冇?我想放棄啦,以後唔好再搵我啦,我玩夠啦,都俾你玩夠啦。」
 
我望住Flora著返衫用力忍住唔喊出黎,然後默默咁離開,我冇解釋,我原本好想同佢講我真係冇玩佢,但我唔希望再咁樣糾纏落去啦。其實佢都講得啱,我真係當佢後備咁,如果有一日我同女朋友分左手,我會試下同佢一齊,但真係唔會為左佢而分手。感情,從來投入多啲果個就會越容易受傷,大家都做過受害人,所以我唔鍾意玩弄人地既感情。
同Flora呢次之後,我亦都偏向搵一啲玩家,起碼大家知道大家想點,just for fun,唔好講責任啦,太沉重啦。有時候,真係正正經經叫隻雞仲好。
已有 0 人追稿