話說我係俾條女監視之下,要出走夜遊其實真係難到仆街,但係日日呆佬咁困係香港又點會係我既性格呢?正當我有一日無意中係連登見到有交友App post,就成為一個契機展開左我既交配之路。
 
記得係好耐以前已經有接觸過交配App,我果時就玩「是鳩」既,一個個格仔大頭相,好似141揀女咁,目不暇給,玩落先發現,果度佔左百分之八十到九十,都係雞同騙徒,美容雞地產雞保險雞到賓印雞。Call G雖好,但溝女更甜,坐困愁城,我有既就係時間,Call G我不如去買羽毛球拍?快靚正。
 
今次我就雙管齊下,「天噠」同「咖啡貝果」一齊黎。個人感覺啦,CMB既人係比Tinder認真多少少咁,起碼真係傾得落計既都有唔少。Tinder就係咁swipe to right但match左都好似好難撩得郁人傾兩咀。
 
好快地,我就見到有個新消息「Yuki likes you back!」,閒來無事既我就馬上搵女女交下心先,原諒我呢啲毒撚冇乜pick up lines,都係一般閒談講下放假有咩活動咁,佢就話去個friend屋企打邊爐,講到邊爐就啱啦,我人稱「新東郭富城」,拎男歌手獎打邊爐慶祝,拎影帝打邊爐慶祝,生女打邊爐慶祝,贏馬打邊爐慶祝,我就係一個為左打邊爐而生既男人。
 
不過Yuki都好識開話題,又或者可能係咁啱啦,佢話席間佢啲朋友想做雞仔媒人,想撮合佢同一個friend搭friend既男仔。講真,幻想到都覺得尷啦,而更尷既係對方是一個死肥仔,有自信的毒撚。第一次見已經好主動,要談婚論嫁咁,Yuki真係頂不撚順就早早回家。
《獲取情報: Yuki怕人太主動》




 
如果大家有玩過CMB,就知呢個app鳩鳩地,成日人地覆左都冇顯示咁,我就梗係扮哂野,話不如whatsapp傾啦,我知係老土左少少,但都可以當係first impression checking,肯俾你既,或多或少都有啲機會先丫。結果Yuki都好禮貌咁同我換左contact,好似是一個好開始!
《獲取情報: Yuki電話號碼》
 
我同Yuki傾計唔特別多,有時一日忙起上黎都係見到先覆,但由於我個人比較得閒,我真係覆得比佢密同快既,有時分享下食咩忙咩,無無聊聊既野,都係志在keep住個聯繫唔好斷。有一日,Yuki話約左朋友打邊爐,點知晏晝兩姊妹嘈左交,食唔成。果間邊爐都薄有名氣,book左位冇去有啲可惜咁,我就打蛇隨棍上
 
「嘩!呢間野都出名喎,我想試好耐啦diu!」
 
「係呀,我都滿心期待,點知道咁,唉!」
 




「如果你賞面既,我book台搵日我地兩個去試食呢?」
 
由於Yuki自己住,成日都要諗食咩,所以約佢食飯都唔算難,唯一難既係佢工作時間都幾長同幾忙咁,要就時間都唔容易。終於成功約好某一個星期五既夜晚,我收工前仲執返正個人噴哂古龍水gel返好個頭。咁我比Yuki早收工既,就先到尖咀等佢啦,點知一去到,Yuki就話佢有個急既project未做好,要OT仲未走得,不如下次先再約過。
 
我心諗,唔撚係掛,夠鐘先玩放飛機,呢條死臭雞是唔是玩野先?當然,心諗姐,口就梗係話冇所謂啦,不過我就唔太想下次約,我就去左餐廳問有冇得delay個booking hour,咁個經理見我個樣都心急人上咁,仗義幫我推遲左一個鐘。Yuki見我咁有誠意,都快快手趕埋啲野黎搵我,最後佢遲左個半鐘,我就坐低叫住野等佢。
 
一入到黎佢即刻就認到我,一見面,眼大大面尖尖咁,身型纖瘦,仲帶有少少我喜歡既MK味。Yuki都相當識做,不停sorry前sorry後,又點會嬲丫,又唔係小朋友。成餐飯都有講有笑,我真心覺得對於我黎講,真人面對面傾計個vibe會比文字討論好好多。
 
美中不足既係間餐廳有限用餐時間,啱啱好食飽就要埋單離場,Yuki都乖女,想同我AA既,不過我個人習慣係第一餐點都應該請個女仔食既,就婉拒左佢好意,同時都留條後路俾自己。
 




「第一次食飯,點都要俾我請你既」
 
「唔使啦,AA啦,仲要你一早黎拎位等我」
 
「都值得丫,你一陣仲有冇野做呀?仲有冇興趣坐低飲杯野傾多陣?」
 
「都OK呀,我聽日短週,咁你要俾我請返你喎」
 
「可以呀,你請我實賞面啦」
 
於是我地就食飽飽並肩散下步,行去尖東海傍果邊,是但搵左一間坐得舒服既就坐低左,叫左支白酒同小食,就繼續雞啄唔斷啦。雖然就話幾好傾,但成晚個進程都過於緩慢,僅僅係有唔小心掂到下手仔,或者過馬路果陣輕輕搭一搭佢手臂咁,要煲幾耐先熟呀咁喂?
 
當我地各自去完洗手間之後,返黎之時我就鼓起勇氣,我問Yuki可唔可以坐係佢身邊,傾計都方便啲丫嘛。當然,後面呢句都係廢up既尷尬野啦。Yuki開朗咁一句好呀,就讓開左少少位俾我,結果我地就由面對面chill talk,變成身貼身sweet talk啦。借住酒意,我亦將手從Y佢身後繞過,輕撫佢纖腰,Yuki冇縮不得止,仲輕輕靠向我身邊,呢獲得米啦屌。
 
呢個甜蜜又溫馨既Vibe我冇俾佢維持好耐,因為我已經把持唔住用力將Yuki攬埋身,短短幾個鐘,我地已經由新相識變到抱成一團,我亦都主動伸咀索吻,Yuki完全配合我,大庭廣眾之下,我地就係室外座位擁吻起黎,而且仲係大車勁車果隻,Yuki條脷同我條脷交叉疊左無數次,除左要換氣抖抖之下四片咀唇完全分唔開。




 
我即時叫埋單,同Yuki係海邊再行兩步打算將個氣氛推到最高漲再撩佢上房,就係Regal門口我胸有成竹叫佢今晚陪住我,點知竟然落筆打三更,Yuki婉拒左我!!我心諗,唔撚係掛,擺到埋口都食唔出?講真,條氣就點都唔順架啦,Yuki話要返去照顧隻貓,得佢自己係屋企,佢一定要返去,我都係得我自己係屋企咋喂,你都照顧下我細佬先得架?
已有 0 人追稿