[重口味]黑貓館: 第二十回 少女

第二十回 少女

一直耷底頭嘅亞信望住地下,
眼前出現一對閃令令嘅黑色尖頭漆皮高踭鞋,
作為一個腿控一望就識得呢對係每一個女人都應該有一對嘅jimmy choo高踭鞋.

視線沿住呢對高踭鞋一直向上望,
一對完美曲線嘅黑絲美腿,
被一條Prada黑色百摺迷你裙啱啱遮住重要部位無走光.



上身再配上純白色Armani恤衫,
頸到戴住一條黑色choker,
掛住一個銀做十字架.

亞信抬頭一望見到門口企咗一位極後生靚女.
望落廿歲多D,
個子唔係好高細細粒,
不過身形好靚應大則大,該細則細.

一頭染成金啡色長髮,


面圓圓戴咗一副淺啡色大眼仔,
好有韓風少女氣息.

可惜呢位靚女化咗一個同佢年齡極唔相配嘅濃妝,
鮮紅色唇膏趁係粉白色嘅面上,
再加上深灰色眼影同幼長黑眼線,
好明顯刻意扮成熟.

少女望一望亞信微微一笑.
亞信成世人都好似未試過有靚女咁嘅距離對自己笑,


當然係乜反應都唔識做只係到發呆.

少女無理會行入lift中間,
同少霞同包租婆笑咗一笑然後講咗聲:[早晨.]

少霞禮貌咁微笑回應一聲:[早晨.]

而包租婆有D高傲咁回咗聲:[早晨.]
佢當然認得呢位少女就係住係C房嘅Shelly.
平日見面都有打招呼.

好難令人相信Shelly會住係呢D地方,
成個人都同呢區格格不入,
唔講以為佢係住九龍站D有錢女.



落到地下包租婆一個箭步沖咗出去,
然後伸手截咗部的士,
一上車就講:[石壁.]

而Shelly著住高踭鞋行路扭下扭下咁跟住行出去,
亞信企係後面視線無離開過呢對腳,
立即跟係後面行.

當出到門口即刻聽到一下響安聲.
Shelly望向馬路對面,
見到一部藍色寶馬BMW 330iA M Sport泊係到,
車上面有一位四十幾歲肥肥地中年發福嘅男人坐司機坐,
猥猥褻褻笑到烚熟狗頭咁向佢揮手.

Shelly立即跑向車頭位打開車門講:[等咗好耐呀?]



中年人講:[唔係,上車先,我地去食早餐.]
Shelly好開心咁坐係前座.
咆哮嘅引擎聲響起,
亞信望住架寶馬絕塵而去.

[唉,呢個世界就係咁,只要有錢真係要幾靚嘅女都有,
我呢d真係窮人含撚,算啦返工.]
雖然住係同一個單位入面,
但係大家唔係相佢一個洪溝,
而係成個太平洋.

亞信當然明白呢個差別,
只好又再繼續耷底頭一個人行去地鐵站搭車返工.



少霞並唔關心Shelly做乜,
亦無理會亞信乜反應.

佢只係一個人慢慢向街市方向行,
要買餸準備中午同夜晚嗰餐,
因為下午開工直至夜晚先返.

當一個人日日如是重重複複,
就會對所以野都變得麻木咁.

未完待續