[重口味]黑貓館: 第四十二回 挑釁

第四十二回 挑釁

[喂,有無攪錯呀,我都話咗要Medium rare,現在比個Well Done比我?你點做野架!?]
有個西裝友無視餐廳其他食客係到大聲鬧.

亞信係咁講:[對唔住呀,我即刻同你換過.]

西裝友得勢不饒人繼續鬧,
[換過就得啦1?你知唔知我趕時間架,我約咗客一陣遲到你陪番比我呀!!]



亞信個頭耷得更底:[真係對唔住呀.]

呢個時候權哥行過呢話:[唔好意思呀,我立即叫廚房整過,五分鐘一定比到你.
不如咁,我地餐廳入咗支新紅酒,我開比你試下.]

西裝友見有著數就話:[是但啦....快D呀.]

權哥示意亞信攞走D野.
亞信攞住碟牛排入廚房對住廚房大佬講:[唔好意思...我落錯單,係三成熟先啱.]
廚房佬有小小唔滿意話:[又錯?今星期第幾次呀?]



[對唔住呀.....]
啱啱比客鬧完現在又比廚房佬話,亞信覺得勁無癮.

好辛苦先捱完個午市,食完員工飯亞信一條友坐係後樓梯食煙.
煲煲下煙聽到有人話:[你呢排做乜呀.]
權哥坐底係側邊問.

[唉.....我都唔知..呢排頭頭碰著黑,做乜衰乜.]



權哥一邊點起煙一邊講:[運嘅野係咁架啦,一係你去拜一拜車公囉.]

[得嘅咩?]
權哥鬆一鬆膊頭表示唔知.

[權哥,有無聽過人講叫雞會行衰運架?]

[你去叫雞咩?]

[無...點會呢.....]
亞信當然唔夠膽同人講自己去叫雞啦.

忽然有人問:[邊個去叫雞?]
嘉嘉又坐埋過呢.



權哥話:[無...我地好乖仔唔叫雞嘅.]

嘉嘉見亞信悶悶不樂就踏住佢膊頭講:[唔洗因為比客鬧唔開心喎.]

佢地當然唔會知亞信因乜事唔開心啦.

權哥話:[做我地呢行係咁架啦,D人洗嗰舊幾水就以為自己係皇帝,你地唔好以為中環區著西裝就係斯文人,根本就好多都係仆街.]

亞信當然明白呢個道理,只不過係呢排實在太黑仔.嘉嘉拍一拍佢膊頭表示關心.
唔知幾多年未試過有人咁樣關心自己,忽然有一股暖流注入心.

亞信望住嘉嘉,覺得佢今日笑得特別甜,
嗰種感覺就好似第一次食haggis dazs雪糕一樣甜到入心入肺.

嘉嘉又再講:[唔洗唔開心喎,有我呢個好兄弟陪你.]


亞信塊面開始紅,手心亦開始出汗.連呼吸都有困難,唔通呢個就係遺忘已久戀愛嘅感覺.

[行啦,開工啦.]權哥整息支煙然後起身.

嘉嘉又再拍一拍亞信講:[行啦.]

亞信好似魂魄未返呢咁慢半拍應咗聲:[哦....]
一路開工亞信都不時側望嘉嘉,d眼神重有d痴漢feel添.

[歡迎光臨,二位?]

一男一女行入餐廳,男嘅著得好sporty,女嘅著住迷你裙露出一對美腿.
佢好親密咁翹住個男人隻手臂,一睇就知係情侶.

嘉嘉一眼就識得出呢個女人就係之前呢食過飯嘅Shelly.



帶咗佢兩個坐係上一次坐個窗口位,落完order行過水吧,
見到亞信同佢講:[喂,你位靚女鄰居有呢咗呀.]

亞信望一望,見到Shelly同個男人一齊.
嘉嘉話:[佢都幾利害架喎,咁快已經轉咗畫.]

[咁靚女係咁架啦.]

[喂,你覺唁覺得佢有D古怪?]

[乜古怪?]

[唔知.....總之就係怪.]



[超,重以為妳見到D乜,做野啦一號檯叫呀.]
嘉嘉行開之後亞信望住Shelly,除咗覺得佢化妝好重手之外無乜特別呀.

Shelly同個男人有傾有講好開心咁,傾傾下佢起身想去廁所,
佢行過見到亞信好有禮貌咁微微一笑,亞信又係點一點頭.

當Shelly行經門口時有一個高大著黑色西裝嘅男人行入呢阻住.
個男人無第一時間讓開只係好似搵人咁望咗兩望.

Shelly禮貌咁笑一笑講:[唔該.]
西裝友好似現在先知自己阻住人.當佢企埋一邊時,
Shelly見到佢身後有一個白頭髮中年人拖住一位同shelly差唔多年紀嘅靚妹行入呢.

白頭佬好明顯就係呢間餐廳囓老闆,Shelly見到佢即刻收起面上嘅笑容.

權哥見老細呢立即走上前招呼:[老闆,又呢食野呀?呢邊呀.]

但係白頭佬無出聲應佢只係面黑黑咁望住Shelly.所有人企晒係到唔郁.
一時間個氣氛好古怪無人夠膽出聲.

條靚妹好唔醒目咁話:[做乜唔行呀,啱啱玩完攪到人鬼咁肚餓呀.]
白頭佬好兇咁啤一啤個靚妹.

Shelly出聲:[妹妹攞咗成人身份證未呀?]

個靚妹一手指住佢話:[妳講咩呀?]

白頭佬即刻對住靚妹大喝:[收聲呢妳.]

靚妹仔邊受得呢D氣,即刻鬆開原本翹住白頭佬隻手講咗句:[痴線....有錢大L晒呀.]
然後轉身走咗.

Shelly望住白頭佬話:[幾年無見,你D口味又重咗喎,未成年都攪呀.]
比佢咁串白頭佬居然無出聲.

相反Shelly好似無停底嘅意思繼續講:[我識好多呢類妹妹架洗唔洗介紹比你呀.]
白頭佬隻手握緊拳頭睇得出好嬲.

忽然Shelly做咗一個極之挑釁嘅行為.
佢一邊講:[定係.....想試下我呀?]
跟住一邊慢慢拉起條短裙.

當就呢見到底褲時,白頭佬終於忍唔住大喝一聲:[畜生~~~!!]
然後狠狠咁一巴掌打過去.力度之猛將Shelly打到成個人側晒幾乎跌底,
就連假眼接毛都打甩埋.

Shelly同行個男人見到咁即刻大叫:[老野!!你做乜打人呀?]
然後沖上前,點知未行到一半已經比白頭佬個保標一野就將佢㩒咗落地.
[呀~~~隻手斷啦,大哥.....]
有時幫人出頭都要睇對手.

Shelly企返好用手按住塊面深深不忿咁望住白頭佬.
白頭佬指住佢鬧:[你望下你自己,人唔似人鬼唔似鬼!!]

Shelly激動到連聲線都變得深沉沙啞充滿怨恨咁話:[你有資格話我咩?]
講完呢句就一野撞開佢奪門而去.

成間餐廳望住佢地靜晒.
嘉嘉係亞信側邊細妯聲講:[我都話佢有D古怪架啦,唔好睇小女人嘅第六感呀.]
亞信現在相信,睇呢佢同白頭佬有D關係.


未完待續