[重口味]黑貓館: 第四十五回 錯覺

第四十五回 錯覺

權哥話:[嘉嘉,啱啱送咗D貨嚟,攞入廚房呀.]

嘉嘉諗住入埋單先攞,點知亞信即刻沖過呢:[等我幫妳攞啦.]

佢一野搶咗嘉嘉D野做,嘉嘉只好應佢一聲:[哦....]

權哥見到亞信咁樣笑笑口同嘉嘉講:[睇呢有人好關心你喎,怕妳辛苦.]



嘉嘉微微嘴笑.近排亞信對佢特別關招,乜野粗重野都掙住做.
白痴都睇得出亞信想追嘉嘉,咁女主角又點會唔知.
無拒絕係唔係代表有希望?起碼亞信係咁諗.

忙完一日終於收工.亞信已經買定戲飛打算約嘉嘉去睇戲.
於是就問:[嘉嘉,妳聽日係唔係收早呀?]

[係呀,你唔係聽日都放假咩?]

[我...係呀.....]



[放假有乜野做呀?]

[睇戲.....我呢....想....問下....]
對一個宅男呢講要佢開口約女仔重慘過死.
亞信講到口到疾埋.

[我想...約.....]
就係呢個時候嘉嘉電話響起.



嘉嘉聽住個電話,根住講咗句OK就糾咗線.
[我唔同你傾住啦,我有事走先,byebye.]
望住嘉嘉走咗,
[唉~~~~~]
亞信忍唔住呻出呢.

權哥啱啱行入呢聽到就講:[又唉乜呀?]

亞信問:[權哥,你覺唔覺得嘉嘉拍緊拖.]

權哥話:[我點知呀~~~]

亞信都唔知係唔係自己亂諗.
權哥拍一拍亞信講:[收工啦,有D野唔係你嘅就唔係你架啦.]



亞信有D失望只好頭耷耷咁收工.放工又有D肚餓原本想去吉串魚蛋,
呢間野係到好多年好多街坊幫趁.食消夜真係一流.

點知當亞信行到去見到貼住張紙,上面寫全東主有喜休息一天.

人黑起上呢真係乜都可以發生,亞信望住個天講:[我只係想食串魚蛋啫,咁都唔得?]

無法只好去麥記食個包,心情唔好靚最好都係食野.
對亞信呢講係麥記食個蘑菇安格斯包餐再加杯朱古力新地真係人生一大樂事.
買完野攞住個餐坐底係個窗口位到望住街外D人行呢行去.

睇住人地出雙入對,西裝友拖住OL look靚女,
青春短裙仔少女配大隻形男.真係羨慕死人.

食食下亞信見到權哥都收工行過,佢停係街口到.



亞信攞起電話諗住打電話比佢問佢過唔過呢一齊食麥記.
當佢望住出面準備揮手時,佢見到嘉嘉係權哥背後出現,
重要笑得好甜咁拖住權哥.

電話剛好接通,聽到權哥講:[亞信?乜野事?]
同時睇見佢對嘉嘉做咗個手勢叫佢唔好出聲.

見到咁樣亞信都知發生乜野事啦.
[無......我打錯電話.....]
講完就收咗線.

睇住佢兩個拖住手離開,個心痛到好似比人插咗幾刀咁,
明明食緊嗰杯朱古力新地甜架?
點解越食越咸,重有D苦澀味?


因為眼淚已經慢慢滴咗落去.

亞信係袋攞咗張戲飛出呢,將其中一張撕碎晒掉係檯面,然後一路死狗咁返屋企.
~未完待續~