[重口味]黑貓館: 第五十七回 戀愛
={MSGFONTSIZE}第五十七回 戀愛
做餐廳落場時間好多時都好長,最少兩個鐘最多三個.三五成群好多時都係圍埋賭錢.
亞信慶幸佢無呢D習慣,正確呢講係無多餘錢賭,自從佢成日攞少霞真係乾晒塘.
依加連課金都無錢要返多一份工先攪得掂.所以落場都盡量休息.
當佢拉好兩張凳準備瞓教時權哥攞住兩支細生力旖呢坐埋佢側邊講:
[亞信!!呢排做乜咁積極減肥係唔係溝到女?]
[溝女?無呀,不過你放心我有女溝一定會出聲嘅唔會好似D人咁鬼祟嘅.]
權哥攞咗支啤酒比亞信講:[你係唔係咁小氣呀.]
亞信接過支啤酒講:[我邊有...]
[無就好啦,其實...唔同你講驚你唔開心啫.]
[係呀,你肯一早同我講我唔洗傻仔咁啦.]
[咁唔柒到柒咗啦.]
講完呢句兩個都忍唔住笑,始終亞信最好朋友得呢個,兩條友繼續邊飲酒邊吹水.
[喂,咁你呢排攪乜啫,成個人唔同晒.]
[我呢排.....嗱,你唔好四圍唱我呀.]
[ok.]
[連嘉嘉都唔講得呀.]
[得啦...]
[呢排....我成日去叫雞.]
權哥幾乎將飲緊嘅啤酒噴咗出呢.[吓...乜話!?]
[我去叫雞.]
[喂呢D野試過返唔到轉頭架喎.]
[咁我都知.....]
[唔怪得之你瘦咗咁多,一定係比D肥婆吸乾晒.]
兩個又係到笑.
[唔肥架,條女重幾正添,我幾乎個個星期都搵佢.]
[吓...沉船!!]
[又唔算嘅,我都無做.]
[吓!?叫雞無做咁叫呢做乜?]
[其實呢,原本我係諗住叫雞,但係因為有D野想同佢講又唔知點開口於是攪到變咗唔係叫雞.]
[咁複雜架....]
[少少啦,原本諗住講完就算,但係唔知點解我開始關心佢,早排因為乾晒無搵個一個月佢居然主動搵我,重講佢個真名比我知.]
[亞信,小心呀,正所謂歡場無真愛,比得起錢個個都係老公.]
[咁我都知....]
[總之小心D啦.]
亞信重係好迷茫,明知係用金錢買返呢嘅快樂,但係又存有一線希望.
結果第二日亞信又忍唔住去搵少霞.
當門打開時,少霞對住亞信發出罕有嘅笑容,係從心出發嘅笑.
[我...又呢.]
少覆問:[想入呢定食飯?]
亞信行前咗一步,原本打算入去,畢竟只係做過一次,其餘次次都係食飯.
男人始終係有性需要.
但係行前一步之後亞信停底話:[都係食飯...]
少霞微微笑話:[唔好後悔呀.]
聽到呢句亞信已經後悔,不過呢個極之唔理智嘅思想壓過咗肉體上嘅需要.
亞信行返出門口講:[咁...行啦.]
點知才少霞話:[你等一等.]
[做乜?]
[我換件衫,好快.]
講完少霞攞起條一件頭長裙一野穿過頭著係身,
佢拉一拉整理好條裙就講:[行得.]
不過行咗兩步到亞信停底,
佢係褲袋攞咗個銀包出呢講:[差D唔記得比錢.]
少霞微微笑用手㩒住佢隻手,大家對望咗一眼,
亞信明白係乜野意思於是收返埋.
落到樓少霞話:[不如我地食麥記.]
[麥記,都好喎,好耐無食過蘑菇安格斯漢堡同朱古雪糕新地啦.]
少霞笑笑口話:[乜你唔係要減肥咩?]
[係.....]
[行啦,一餐半餐唔會死嘅.]
一個奇怪嘅組合,
一個三章野A0宅男,
一個四字頭一樓一,
兩個有金錢交易上過床嘅人,居然行到好似D情豆初開嘅情侶一樣,
差D掂到隻手但係又怕怕羞羞唔夠膽掂.
去到麥記買咗野食,亞信終於可以放縱咁食一餐.
[嘩~~好耐無食過麥記啦.]
少霞食住魚柳包問:[做乜事減肥?]
[又係妳話肥溝唔到女嘅....]
[你咁嘅樣瘦咗都係一樣架咋.]
亞信比人一盤冷水倒頭淋.
[你剪下D頭髮,買過D衫啦,又唔係中坑,萫乜鬼及膝短褲同涼鞋.]
亞信望一望自己,再望一望周圍D中坑真係同自己一樣打扮.
[減肥呢,唔係只食菜,下次可以食雞胸肉,可以幫助燃燒脂肪架.]
[係架?咁好囉,我真菜真係食到悶.]
[重有呀...你唔好再去一樓一,留番D錢搵個健身班上.]
[咁...我以後小D呢搵妳....]
少霞細細聲講:[我又無叫你唔搵我.]
兩個人對望咗一眼偷偷笑.一切盡在不言中.
食完野亞信送少霞上樓.
去到門口少霞講:[你等我一陣,我有野比你.]
亞信一臉茫然:[吓?比我?]
少霞係房入面攞咗個紙袋出呢,亞信接過一睇.
[哦,件制服...]
[我洗乾淨架啦.]
[唔該.]
亞信留意到重有一件黑色風褸係到,佢問:[咁呢件呢?]
[你上次件褸...比我掉咗...所以我買過一件新嘅比你,你試下啱唔啱著.]
[好呀.]
亞信即刻攞出呢著,件褸著上身啱啱好.
佢問:[好唔好睇呀?]
[我揀架喎,梗係好睇.]
成世人都係第一次收女人送嘅禮物,亞信面都紅晒.
兩個人企係門口對望住無出聲.
突然少霞沖過去嘴對嘴咁錫落亞信到.
呢個可以話係亞信嘅初吻.
覺得好舒服攬住少霞,感受都佢柔軟嘅身軀,
越攬越實唔想放手.
少霞拉佢入房然後順手反轉門口掛係到個牌,之後閂埋門.
未完待續