[重口味]黑貓館: 第六十一回 承諾
第六十一回 承諾
亞信同軒仔呢排都春風滿面.撞到都會打聲招呼.
軒仔亦覺得自己忽然好似變咗大人一樣,又識搵錢又可以同女神一齊重搵到自己性除向.
而亞信當然唔會係佢面前提同少霞嘅事,
由於唔洗再比錢去一樓一,亞信一有時間就去少霞到,
有時係爆房有時係搵佢食下飯.
鍾意咗一個做雞嘅女人算唔算係沉船?
技術上係,但係亞信現在又無比錢,
咁個身份係嫖客定係男朋友?
如果係前者可能會好D,純金錢交易.但係後者就麻煩.
亞信每次離開時都係到諗,究竟重有幾多男人會嚟?
試過一打開門就見到有兩個麻甩佬好似輪街症咁企係門口排緊隊,
大家你眼望我眼,麻甩佬個眼神好似話比亞信知,
[你條女好正呀,所以我又呢屌佢啦.]
最慘係你知道佢唔係唯一一個會咁將條賓周插入你鍾意嘅女人身體入面.
當你用咗好多時間同金錢追返呢嘅女人,
人地只係需要比幾舊水就有同樣會報,
個感覺一D都唔好受,原來投資真係有風險,
又再證明股票市場嘅一句真理,就係唔好同投資講感情.
呢一日亞信等埋少霞收工然後去食D野.
兩個人一路行返屋企.
亞信問:[少霞,妳將來有乜打算.]
少霞孭住咁重擔子邊夠膽諗將來:[咁你啦.]
[我....唔知呀,咪繼續反工.]
[咁我咪一樣囉.]
[但係....妳係女人,做呢D工始終唔係咁好.]
少霞耷底頭無出聲,有頭髮邊個想做癩痢 .
亞信雖然好想講話我會照顧妳,但係現實係自己都未攪得掂.
少霞話:[不如我地過去公園坐下囉.]
[好呀.]
夜晚時間油麻地好多地方依然燈光火著,
街上好多紅色燈箱放係路邊.真係五步一樓十步一閣.
當中重未計係街打游擊嗰班虎背熊腰一腳踢死牛嘅大媽兵團.
香港色情事業真係永垂不朽.
亞信一直都好奇,結果都係忍唔住問:[其實妳點解會攪成今日咁.]
[你有無聽過一間上市公司張氏集團?]
[無呀....我唔係好識呢D野.]
少霞耷底頭話:[係幾年前......]
[喂!!張氏集團....張生?佢....開緊會呀....]
秘書今日電話接過不停,
全部都係搵張世雄.
少霞一值係佢房入面無陪佢同其他同事開會,
見到世雄個人好憔悴應該幾日無瞓過.
[出去,全部人都出去!!]
世雄大喝一聲,所有人都起身行出會議室,少霞亦唔例外.
成間公司D人都好緊張,個個都細細聲議論紛紛,
話題全部都係公司資金周轉出現問題.
有人更話已經有人入稟法庭申請將公司清盤.
現在個個都人心惶惶.
世雄忽然係房大叫:[少霞入呢!!]
少霞對公司實際運作所知有限亦幫唔到乜野手,
佢問:[乜野事呀.]
[妳即刻打電話比陳總,同佢講可唔可以幫到手.]
[我打??]
少霞覺得好奇怪,以佢地交情點解唔自己打.
[我叫你打就打啦.]
少霞只好照做:[喂...陳總....我係少....]
[點呀?]
[佢cut咗我線....]
[過橋抽板嘅死仆街,枉我連女人都送埋比佢.]
世雄望住少霞,
跟住鬧:[望乜野呀,打電話啦!!]
少霞知佢臭脾氣唔夠膽逆佢意,
但係真係唔知佢想點:[打比...邊個呀?]
[死蠢,梗係同妳上過床嘅男人啦.]
少霞終於明白點解要佢入呢打電話,睇呢世雄已經無計可施.
佢咁叫只好照做可惜無一個電話打得通.
[點呀?一個都打唔通呀?]
少霞搖一搖頭,
世雄將檯面上所有野掃晒落地大喝:[成班仆街!!]
佢坐係凳上面木無表情,少霞只係企係到無出聲.
過咗一陣世雄企起身講:[無法,只好出求佢....]
[少霞,通知司機,我地返屋企.]
[哦...]
兩個人好快返到屋企,世雄一入屋已經大叫:[悅明!!]
點知無人應佢,佢開始覺得奇怪,就算悅明唔係到都會有工人行出呢,點解現在一個人都無.
佢再大叫:[喂!!有無人呀!!你地死晒去邊呀!?]
依舊無人應,忽然佢好似聽到喊聲,
世雄同少霞即刻行上樓,
上到去見到軒仔坐係自己房間地下喊:[大媽...唔好走呀...]
世雄即刻問:[大媽呢?佢係邊呀?]
軒仔無應佢繼續喊,
世雄見過仔唔應佢發火一巴打過去:[喊乜野呀!!我問你大媽係邊呀?]
軒仔好似比世雄打醒咗咁,佢一手指住門口.
世雄呢個時候終於見到悅明,
佢即刻走上前拉住佢話:[妳今次真係要幫幫我.]
悅明一手鬆開佢無出聲拉住件行理落樓.
世雄問:[老婆,妳去邊呀?]
[我返英國.]
[吓...現在?咁幾時返呀?]
[無諗住返.]
[吓...咁我點呀?公司呢?間公司妳有份架.]
[我有份?你炒Accumulator時有無問過我呀?]
[咁我都唔知會攪成咁架?]
[唔知?唔知你又學人玩?]
[我知錯啦,妳幫埋我呢次啦...唔係,妳當幫公司好唔好.]
[幫?點幫呀?唔係講緊幾千萬呀,係幾千億呀!!]
世雄即刻無聲出.
悅明話:[你自己闖出呢嘅禍你自己承擔後果.]
[但係....妳唔幫我妳都帶埋個仔走丫.]
悅明一手指住少霞話:[佢係你同呢個賤人生,與我無關.]
講完就轉身落樓走咗,成間屋就只聽到軒仔係到喊.
最後公司清盤,破產,然後世雄中風所有不幸接種而來.
少霞亦只好一個人撐住.
聽完少霞講,亞信無諗過少霞原來係有錢人,
更加無諗過佢過去會係咁慘.
少霞忽然話:[亞信,如果我想離開呢到去一個無人識我嘅地方從新開始,你會唔會陪我?]
[會,我一個人無人無物,要想走我幾時都可以.]
少霞笑一笑話:[咁到時話你知.]
[好呀,一言為訂.]
未完待續