[重口味]黑貓館: 第六十七回 絕望
第六十七回 絕望
亞信雖然搬走咗但係依然離唔開旺角區,
無法,咁嘅價錢咁嘅選擇旺角係最多盤.
今日收工一個人行返屋企當佢行行下見到前面有D擾攘.
街上面好多人指住其中一楝大廈嘅頂層.
佢跟住一望見到係以前住嗰到有好多濃煙從窗口噴出呢.
亞信第一時間想起少霞佢即刻衝向前打算上去.
去到大堂㩒lift,
只係見到部lift係二十樓慢慢咁落呢,
亞信好心急不停㩒個制.
呢個時候有另一個人同樣衝入呢,亞信一望就見到係軒仔,
佢即刻捉住佢問:[你亞媽係唔係到?]
軒仔望住亞信有D心虛,佢一手fing開佢話:[痴線,我點解要話你知.]
亞信好心急無時間係到同佢解釋,佢望一望部lift好似層層停咁.
於是佢索性跑樓梯上去,可惜以佢身形跑到二樓已經無晒氣.
不過佢都死頂一直向上跑,幾經辛苦喘晒氣先上到去.
好彩大門個密碼鎖無改到.
一打開門已經見到好多黑煙走出呢,
佢大喝一聲:[少霞!!!]
係B房門口拍門不過完全無人應,
亞信一腳就輕易將門踢開,唔係佢大力只係呢D門好易踢開.
入面一樣係佈滿濃煙乜都睇唔到,佢開始覺得呼吸困難.
就係呢個時候佢聲到鎖鏈發出嘅金屬聲.
忍約見到個身影,
亞信又再叫:[少霞!!]
少霞無應佢,
因為佢只係想拉世雄起身走,
但係自己都重係比鎖鏈鎖住係凳郁唔到.
少霞不停大叫:[我唔會就咁比你死!!]
連亞信都開始頂唔順不停咳,
佢行過去見到少覆著成咁仲要比人鎖住,
都無時間理發生乜野事,只係想鬆開條鎖鏈帶少霞離開.
就係呢個時候軒仔亦返到呢,
佢係門口望一望見到亞信,
亞信即刻大叫:[過呢幫手呀!!]
點知軒仔不單無理會,佢只係走過隔離C房拍門大叫:[Shelly!!!]
拍咗幾下都無返應軒仔想撞門,可惜佢太細粒唔係亞信撞極都撞唔開.
Shelly係房入面無晒反應,房外嘅人不停大叫,
軒仔不停拍門想叫Shelly起身,而亞信就係房大叫軒仔幫手.
當所有人都覺得絕望嘅時侯終於有救星到.
子仁跑到喘晒氣返到呢,
佢聽到B房有人大叫幫手,見到C房門外有人拍打對門,
D房已經火光紅紅,最入嘅E房門打開咗,
到底應該點做?當然係救家姐先.
但係行唔夠兩步聽到亞信大叫,
子仁記得家姐講B房住咗一家三口仲要有個殘廢,
當聽唔到唔理良心過唔到呢一關.
無第一時間入房搵舒晴而係先入B房,
因為佢覺得門開咗舒晴應該已經走咗.
當佢入到B房佢見到亞信想拉少霞離開,
但係有鎖鏈將佢手腳連埋將凳鎖住.
坐監十年唯一學到有用嘅野就係開鎖,
唔洗幾一陣子仁已經開晒D鎖,亞信一手抱起少霞出去,
子仁就將世雄抱埋出去.
一出門口子仁即刻放底世雄係安全地方再沖過去C房,
佢一腳踢開房門軒仔即刻沖入去,
同樣漆黑一偏滿佈濃煙.
軒仔走埋床邊大叫:[Shelly!!!]
見佢完全無反應,都唔係知係暈咗定係死咗,
子仁都唔理得咁多一手抱起佢走出去將佢放底係出面.
就係放底Shelly嗰一瞬間,
聽到好大聲狗吠聲,舒晴唔會掉底佢地唔理,
個心即刻一沉大叫:[家姐!!]
子仁再行入去望到房嘅火光已經燒到出走廊跟本入唔到去,
即刻走去後樓梯攞住個滅火器沖入去希望可以救息D火,
噴住CO2見火勢有D減弱即刻沖入E房.
一入去見到個一血人企係面前,再望見舒晴瞓咗係床上面.
子仁乜都唔理即刻撲向林生,兩個人大打出手.
亞信抱住少霞去到安全地方先放底,
見佢著到咁就除咗件褸披係佢身上.
呢一個動作好似叫醒咗少霞咁,
少覆望一望佢話:[亞信..?]
[係我呀.]
少霞無出聲攪住佢,亞信感覺到佢個身不停震.
亞信望向另一邊見到軒仔不停係到叫shelly,
呢個時候佢覺得有D唔對路,
剛才救佢地個人入咗去好耐都未出返呢.
佢同少霞講:[妳係到等我,我過去幫手.]
亞信起身走過去望一望軒仔,佢烏底身摸一摸Shelly,
仲有心跳,之後對住軒仔大喝一聲:[重唔報警!!]
亞信對軒仔剛才個態度極唔滿意,
不過現在唔係教訓嘅時候.
佢起身走入去,見到依舊火光紅紅.
亞信沖過去入E房,見到兩個男人係到拉扯.
子仁一見有人就大叫:[抱我家姐出去!!]
亞信原本打算幫手拉開佢地,
但係見到舒晴瞓係床上面,
所以決定先救人.
抱住舒晴出去,見到少霞跪係世雄側邊,
亞信放底舒晴係付近就再打算入返去,
點知D房火燒得比剛才更猛,而且已經漫延至C房,
就連B房都開始有火光.
濃煙再加熱力亞信跟根本無方法入到去.
只可以望住D火不停燒.
好彩過咗一陣消防員到咗,亞信即刻同佢地講入面重有人.
消防將佢地所有人帶晒落樓.
呢個時候舒晴終於醒反,
望見自己係街到佢好緊張四圍張望第一時間大叫:[細佬!!]
然後想沖上樓.消防員見佢咁即刻上前阻止,
[我細佬係上面呀,你比我上去啦.]
消防員話::[小姐,妳冷靜D,我地同事已經係上面救緊人.]
舒晴只可以後退等消息,望住樓上火光紅紅外牆都黑晒,
情況唔多樂觀.
~未完待續~