簡介

廢文一篇,講下我到底有幾廢。



愛。

到底咩係愛?愛係鍾意。咁咩係鍾意?鍾意係有feel。咁咩叫有feel?我連自己係咪對人地有feel我都唔知。

我答唔到咩叫愛,答唔到咩叫鍾意,答唔到咩係有feel。

曾經一齊過嘅伴侶,係咪就叫鍾意?我唔知,或者我就係呢個世代所講嘅「渣男」,連唔知係咪鍾意人就同人一齊。

身邊嘅情侶成日講「我愛你」,到底咩為之愛?愛係你覺得同對方一齊個陣好開心,愛係你想保護佢,愛係你想同對方長長久久,愛係你對佢好似對屋企人咁。



我永遠覺得愛係好抽象,我覺得同佢好開心,想保護佢,同佢長久,對佢好似對我屋企人咁,咁就叫愛?但我身邊啲人話我唔係愛佢。

比朋友一問我到底係咪想同佢長久,我話係,但朋友又話唔覺,搞到自己都好迷惘,到底我係咪愛佢。

點解我好似冷血咁?未知咩係愛就表白,未知咩係愛就一齊?

咁到底咩叫愛?愛係鍾意對方。

何謂鍾意?鍾意係你想去照顧佢。



我想照顧佢,咁我又係咪鍾意佢?我唔知,但我身邊嘅朋友都話唔係。

係咪好可笑?成十幾歲都仲唔知咩叫愛,連鍾意同唔鍾意都要問朋友。

可能我真係好廢,愛又唔知,鍾意又唔知,所以我係垃圾。

其實鍾意係咩?你答唔答到我?答到答唔到?我都答唔到自己。

明明鍾意一個感受,點解要比個標準佢?鍾意就鍾意,唔鍾意就唔鍾意,點會有得解?



你都唔會問人咩叫開心啦,每個人對開心嘅定義唔同,咁每個人對愛嘅定義都可以唔同。

最後,其實我都未知咩叫愛,廢文一篇,多謝大家睇我廢噏。