《狗公？初戀？女人總愛站在道德高地》: 7

中四開學啦，以前中二中三嘅時候，小息、午息我地班啲人通常都係去打波同買
 
野食居多，但依家班上面90%嘅人都係係度溫書同做功課，上堂嘅時候又好靜，
 
學習氣氛太好，搞到我都有少少唔習慣。話說有個女神級嘅女仔編左同我一齊
 
坐，佢叫阿欣，矮矮地加上可愛，同佢坐真係人生一大享受，日日都好開心，講
 
明先，我唔係鍾意佢，係男人都鍾意望靚女，但係唔想同佢地拍拖，一來如果對
 


自己冇信心的話，會冇安全感。二來會有好多男仔係你女友身邊走嚟走去都咪話
 
唔煩。女神都有煩惱嘅時候，我地個英文miss好鍾意罰人企，成日都問啲同學
 
問題，一唔識答就罰企，直到答啱下一條先可以坐低，真係有少少虐待狂傾向。
 
因為咁，女神欣一來英文又差，差唔多堂堂都被人罰企，成日都要我解救佢。