《狗公？初戀？女人總愛站在道德高地》: 13

當我方以為今場贏硬嘅時候，對方一個遠射個波入左網，企係個波隔離嘅阿海都
 
O哂嘴，入球哨聲吹起，完場嘅哨聲都吹埋。計分牌2:2
 
好明顯，我地要射十二碼分勝負，對方球員先射，第一球，對方球員射入，我地
 
操刀嘅係阿傑，我地對佢好有信心，隔離嘅女同學亦都不停地叫加油。
 
眾女們：阿傑，加油！一定要贏。
 


當然阿傑不負眾望，射入左。到第二球，對方球員射失，第二球由我操刀，如果
 
我射入左，我地班就可以晉級，當然我仲頗為緊張，再加上隔離班女嘅叫喊，令
 
到我非常大壓力，最後射中柱。阿傑行左過嚟拍一拍我膊頭…
 
阿傑：唔緊要，你射得好好嫁啦，只係差啲運氣。
 
第三球對方球員射波被阿海擋出，哩球波由阿成嚟射，佢射得入，我地就贏嫁啦，
 


所以我都幫口叫埋一份。
 
我、眾女：加油！阿成。
 
GOAL! 阿成射入左，對面隊明顯變得好失落，我諗佢地一定係度諗點解佢地班有
 
三個足球隊都唔夠我地班勁。我諗應該差咁啲啦啦隊。我、阿海、阿成、阿傑同
 
阿朗一齊大叫，贏左啦。