阿狗再襲: IV

上咗幾日堂，我發覺阿狗即使坐喺老師前面，都係會搗亂。

唉... 真係低估咗佢面皮厚度。

阿瑩都開始頂唔順，開始向我抱怨。

「條友好嘈呀...」啱啱阿狗又趁quiz之前放負。

「我太難了...」其實我已經對呢啲招數免疫。





「唉...」但係阿瑩好似俾佢影響到。

「唔洗理佢啦，由佢，佢最鍾意攬炒。」我講。

今次係測數學，測factorization。

其實呢課呢，就好簡單嘅，就睇今次阿狗會唔會突破「5分傳說」。

但係大部分人做完嗰陣，阿狗都仲未落到筆。





「好，停筆！」阿狗好似都係冇寫過嘢。

---------------------------------------------------

「今次呢，有好多同學都係滿分嘅。」實有我份嘅。一定係，除非唔係。

出去攞卷嗰陣，我用眼尾睄到阿狗份卷。

「4分？」我心諗。





「佢得4分咋哈哈！」阿A恥笑。

「你很好嗎？」阿狗擸咗阿A份卷。

「沒事兒。」原來阿A滿分。

其實我都滿分。

「你唔好笑死人啦。」阿瑩都加入恥笑。

我今次就企隔離食花生。