【校園】【愛情】A0毒男的愛情史: 【超大洗牌】

「哇，你今日咁早翻嘅，冇事啊嘛，洗唔洗睇醫生，我驚你發燒。」Andy在我後方說道。

「頂，乜我早翻嚟學校真係咁出奇咩。」我隨後把書包掛在桌子旁邊的掛鉤坐下。

「唔係出奇，成件事已經係變得離奇，你喎，林生喎，你自己有冇諗過㗎。」Andy說道。

「妖，收皮喇。」我將一會要上課的課本順序地放進櫃桶裡面，趴在桌子上小瞇養神。

早上時間來到班主任節「喂醒喇，醒喇。」我感受到有人喺到搖我肩膀。



「咩事啊。」趴在桌子上睡得正香甜的我被叫醒感到有些不滿。

「大件事，Paul sir 話要全班調位。」force突然道出驚人信息。

「唓，調位咋....咩話！調位！你同我講笑咋。」話說點解調位咁大件事呢，基於小弟係一名毒L，社交能力有限，friend嗰啲咪得Andy仲有force，同班上面嘅其他人員唔熟悉，坐埋一齊肯定直接患尷尬癌末期。

「幾日前就搞好咗座位表㗎喇，等陣自己睇熒幕，呢次我特別精心準備好。」Paul sir 如果我同啲三唔識七嘅人坐，詛咒你呢個學年事事不順，我唔洗佢哋喺隔離位，近少少就okay。

我望向出面嘅projector，四處尋找自己名字。



「Er......我喺邊呢。」我看著螢幕說。

班房座位分配有六組，正門入去打橫睇有三組，後面同樣打橫有三組，檯凳T字形擺法。

見到啊force仔喺最近正門口個組，Oh shit見唔到自己喺個組，同force坐已經冇希望，跪求坐喺Andy附近喇，再向左面一組望，冇關劇情要緊，跳過Skip，望到第三組有Andy個名，咁我呢， 揾啊揾，頂！點會又冇我㗎=,=

心如死灰咁樣望到中間後方，終於見到自己個名，隔離係....我冇眼花啊，汪芷晴 3E 12號！ Paul sir你送咁大禮啊，多謝多謝，我係重色輕友嘅毒L。

「Hi你好，新同學，請問你點樣稱呼呢。」我埋位坐低，半開著玩笑說道。



「哈，我叫汪芷晴，叫我啊晴得喇，多多指教，咁你點稱呼呢。」她附和我無聊的笑話。

「哈，我叫林梓圓，你鐘意點叫我就點叫喇，多多指教。」我們同樣被呢個突然來臨的新編座位給逗笑了。

未完待續.................