【校園】【愛情】A0毒男的愛情史: 番外【冰女王的決心】

大家好，我係周婉兒aka(冰女王)以番外嘅形式出現實在唔好意思，不過都請各位睇睇。

自從個次輸咗畀叫林梓圓呢個人之後，我先發現呢個世界好大，有好多高手喺民間，我察覺到自己喺象棋界嘅渺小，於是我走去問當日記錄棋盤嘅同學拎嚟復盤。

「軒同學，唔該，想問下可唔可以拎翻個日嘅棋盤記錄。」我走進本校的棋藝部室。

「你講邊日。」他坐在資料室回道。

「上次聯校比賽個日，我輸到一敗塗地個次。」我說道。



「好，你去出去坐著先，我揾到再拎畀你。」他正在處理一大堆的事務，咁樣麻煩佢都有少少不好意思，不過我好唔甘心，即使會麻煩到人做嘢我都要拎翻當日嘅記錄。

我離開資料室，隨便坐在一旁看著別人下棋。

「周同學，你可唔可以同我捉一場棋吖。」那人戰戰兢兢說道，就隨便叫他做A先生吧。

我聽到呼喚我的聲音來源，再確認A先生是誰後， 側頭冷眼看著他，A先生應該是誤解了我的意思，連忙向後倒退。

「你去邊吖，唔係要捉棋咩。」我緩緩說道。



「吓，你唔係....」A先生震驚。

「擺棋啦。」反正資料都要等一段時間，不如捉下棋等時間過得充實啲。

「有請。」我攤開手掌示意。

「哦，好。」A先生非常緊張，額頭上都浮現了一滴滴的汗珠，他連忙用手背擦乾。

到棋盤中局，我取得了大優勢，已經快到將死的局面，我看著棋盤，不禁回想起那天優勢的局面被自己一手攪禍，心裡很是不知味，連忙發起激烈的快攻，擺脫這糟糕的心情。



最終我取得了勝利，但勝利的感覺沒有滿足到我，總覺得缺少了什麼。

「如果係佢會點樣做呢，佢會點樣翻盤呢，好想知，好想同佢捉棋。」我在心中暗道。

「謝指教。」循例都要尊重對手。

「可唔可以再嚟一局。」A先生不甘地說道。

「周同學，你要嘅資料揾到喇，麻煩簽個名做登記。」軒同學走到我身旁把租借表格給我。

簽名，搞掂，拎到份棋盤記錄喇「唔好意思，我有少少事，下次先再捉喇。」我對A先生說罷便離開了。

接著到達我平日嚟嘅象棋會所。

「啊妹，今日咁得閒過嚟嘅。」接待員姐姐對於我嘅到來感到吃驚。



「嗯，爸爸呢。」這間會所是我父親所建立的，為咗佢嘅退休生活過得冇咁無聊。

「老闆佢喺經理室。」接待員姐姐舉手指著裡頭的房間說道，順便把鎖匙交給我。

「唔該。」接過鎖匙便走進去了。

我敲了三次門「今日唔見人啊。」父親對於莫名其妙的敲門聲感到煩躁。

我用鎖匙打開房門。

「屌！我咪話咗...」父親原本以為是接待員姐姐，準備破口大罵，看到是自家女兒後，整個人氣場語調都改變了。

「啊女！?咁得閒嚟嘅，坐坐坐，坐低先，發生咩事啊，係咪有人蝦你，講畀爸爸知。」父親馬上轉換溫和的語調。



「冇，琴日我捉棋輸咗畀呢個男仔。」我歎氣說道，同時把棋盤記錄資料交給父親。

父親接過後仔細從頭到尾看了看，眉頭一皺說「啊女，你輸咗畀呢個人吖。」

「...」我點頭

「佢啲棋步同嗰個林老嘢有幾分相似，啊女，人地叫咩名吖。」父親說道。

「佢叫林梓圓，之前聯校比賽淨係見過佢一次。」我說道。

「林梓圓...姓林....唔通...」父親正在回想。

「啊女，等我一陣。」父親撥打電話中。

「喂，林老嘢，你係咪有個孫，叫林梓圓。」



「哦...你講圓仔吖，咩事吖。」老爺爺說道。

「佢係你個孫！?」父親問道。

「係吖...話時話都好耐冇同佢捉棋喇，唔知圓仔最近過得點呢。」老爺爺說道。

「過得非常好添，龍精虎猛，我之後得閒再上嚟揾你飲茶捉棋啦。」父親說道。

「好...等你吖。」老爺爺說道。

父親掛線了。

「你識得佢㗎。」我問道。



「嗯，佢係我以前象棋師傅個孫，估唔到你哋會有相遇嘅一日。」父親說道。

「你唔係要復盤咩。」父親說道。

在進行了數小時的復盤後，我才發現這人的棋步有多麼精彩，像似預知未來般的猜到我的行走路線，加以防守兼進攻。

「啊女，唔使灰心喎，嗰個林老嘢教出嚟嘅怪物，話唔定連我都贏唔到。」父親安慰我說。

「嗯。」我拎齊文件書包回家了，再次意識到佢和我之間的差距有多大。

「我唔會放棄㗎，終有一日，我會要你臣服係我嘅棋面前，睇住嚟喇你林梓圓，我一定會贏到你㗎。」我在房間裡下定決心，開始查閱各種關於象棋的比賽資料。

             番外篇【冰女王的決心】完。