【校園】【愛情】A0毒男的愛情史: 【巴掌】

「啊女，妳哋做緊咩？」冰女王父親問道。

「你哋做咩攬埋一齊。」佢簡直唔相信自己嘅眼睛。

「邊到有攬埋吖。」冰女王緩緩站好說道。

「叔叔，我諗你誤會咗，佢啱啱就嚟跌低，我扶著佢咋。」 我解釋道。

「我明明就見到你哋攬住，同埋你係邊個，點解會喺我間房。」



「不如你去同你老竇解釋下啦，我諗我講咩佢都應該聽唔入耳。」我對冰女王說道。

「...」漫長嘅五分鐘，好似過咗成個鐘咁，冰女王同佢父親喺門外展開激烈交談，我就喺入面享受睇書嘅樂趣。

「喂呀，唔好吖。」聲音從外面傳來。

「嗒嗒嗒嗒嗒嗒」皮鞋與地面的接觸聲，冰女王父親已經走到我眼前。

我雙手合上書本，轉身面對等待對方開口，讓我吃驚的是，周叔叔直接給我來了一巴掌，我單手撫摸著被打的那一邊臉，不可思議地看著他，之後再望向冰女王那方向。



「阿爸咪叫咗你唔好囉。」冰女王說道。

「女吖，幫你教訓緊呢條友，都唔知係咪男人嚟，攬完你之後都唔夠膽認。」冰女王父親說道。

「WLTF」只有我一個人置身事外，以我目前所知，我無緣無故被剛見面的人兜巴星了。

「先生你冇撚嘢吖。」我相信這是我第一次對陌生長輩講粗口。

「定係你唔識聽人話，我咪同你講咗我冇攬過你個女囉。」我現在已經失去理智了。



「又係嘅，更年期嘅男人係難觸摸啲，無論係你嘅思維邏輯、行為舉止，都唔應該以正常人等級去作判斷，換句話說應該係我太高估你嘅智商，所以係我錯。」毒撚嘅連環炮開啟。

「死靚仔。」冰女王父親想再度送我一巴掌，不過這次我覺醒了，在被巴掌時我瞬間抓住了他的手腕，並將他甩開至一旁。

「你哋啲所謂大人，淨係識得用暴力令人屈服，識唔識得咩叫羞恥。」我說。

「你同我扯，我唔想見到你，有幾遠走幾遠，唔好再出現喺我面前。」冰女王父親說。

「唔使你講我都會走，喺呢個垃圾空間我只會覺得唔舒服。」我拎起書包準備走人。

「借歪。」我對站在門柄前的冰女王說道。

幸好冰女王識趣，默默讓開道路。

這是我離開後的對話，唔好問我點得翻嚟，總之我有我嘅方法。



「啊女，你識埋啲咩人吖。」

「佢咪係我之前同你講嗰個男仔囉。」

「你係話師傅個孫？」

「係吖，我今日好難得先叫到佢嚟捉棋，仲諗住等埋你先開始，依家你開心啦，人都畀你趕走咗，都唔知之後仲點揾到佢。」

「你哋喺學校捉咪得囉，使咩特登嚟呢度。」

「佢同我都唔係同一間學校，你講笑咩。」

「...」冰女王父親無言。



「唉，今次真係畀你激死。」

畫面回到我離開經理室時候，我的怒火仍沒有消失，等(車立)期間不斷按著往下的按鈕，盡可能發洩出來，最終都到咗地下G樓。

但糟糕的是，我不懂得如何搭車回家，我原路走回巴士站，查看路牌，好笑嘅係，我睇唔明啲路線，我諗起冰女王話有WhatsApp過我，拎起手機一看，封存有3個未讀信息。

最新置頂嘅信息係來自一位號碼xxxx xxxx嘅人，我相信應該係冰女王，因為條友瘋狂咁問我邊日得閒捉棋，雖然我冇覆過佢。

我直接打通電話過去。

「喂。」

「對唔住吖，我阿爸頭先咁樣對你。」

「唔緊要，你知我係邊個？」



「我電話有set低你個名㗎嘛，林生，咁你打畀我做咩。」

「我唔識得搭車返去。」

「呵呵呵呵呵。」

「好笑咩。」

「Sorry，咁你依家喺邊吖，一齊搭車返去喇。」

「頭先巴士落車嗰度。」

「嗰度都冇車返去，你過嚟會所樓下先啦，我陣間就到。」



「係咁。」我掛斷了電話。

…

「點行。」我問道。

「呢邊，你行咗反方向。」

「你真係冇嘢？阿爸佢頭先咁用力打你。」

「如果我講有嘢咁點？」

「唔.....我應該會返去鬧佢一餐。」

「咁都係講冇嘢就算。」

登上巴士上層，這次依舊冰女王坐喺我隔離，不過我對佢嘅印象已經冇咁差。

「係喎，頭先同你一齊放學嗰個係你女朋友？」冰女王問道。

「乜你咁多嘢問嘅。」你畀我靜下啦。

「唔係啊，啊晴佢同我住同一棟樓，咁啱順路咪一齊返去囉。」我唔想要瞞住全世界，就把事實講出來。

「哦，咁你聽日得唔得閒，揾你咁多次都冇次係成功，今日仲要....」

「隨緣啦。」

「你都唔識覆人WhatsApp，仲要隨緣，計我話根本得0%機會，你會覆機，如果唔係我今日特登係門口等你，都唔知幾時先有機會。」

「你做咩咁執著喺我身上啫，周圍都有捉象棋叻過我嘅人，你嗰個會所都有人㗎。」

「唔知吖，總之我要喺棋盤上面贏到你啦。」

「你咪贏過囉。」

「嗰次邊計，係你無端端投降，明明就係你嘅大優勢。」

「都算贏吖。」

「我唔理吖，我要堂堂正正咁樣贏吖。」

「唉，你鐘意啦。」

未完待續....................