【校園】【愛情】A0毒男的愛情史: 【續】
【時隔十日嘅更新】
「諗諗下都係唔好有下次，一陣畀佢阿爸又見到唔知會搞咩花臣，都係唔好惹禍上身。」不過之後估唔到呢一次口頭約定，令我之後惹越嚟越多禍上身。
行幾分鐘就返到學，拎銀包準備拍卡時，我雙目瞪大呆住，嘴巴呈小o形狀，好似有啲嘢唔見咗咁，平時我會將手機同銀包放埋一齊，因為咁樣比較有安心感， 摷完一輪，再摸一摸風摟個袋「仆街，我部電話呢。」呢句說話不由自主地勁大聲咗出嚟。
經過短暫思考後，最大幾率就係譚仔，唉，點解次次冰女王出現都冇好事發生，上次就無緣無故畀佢阿爸兜巴星，今次就漏鬼咗部電話，雖則後者係源於我自身智障疏忽所導致，但我都係會怪責冰女王身上，佢嘅出現，簡直就係災害級別，如果根據一拳超人嘅英雄協會去作評分，喺我心中佢應該有災害龍級別。
咁由於我手機唔喺身，又冇錶，只好問啲prefect「事問聲依家幾點。」我想睇下趕唔趕得切喺遲到之前翻去譚仔一轉，路程我諗如果用跑嘅應該三到四分鐘搞掂。
佢睇一睇手錶「依家搭七。」冇問題，搭九先遲到，趕得切。
「唔該。」說罷我便轉身狂奔。
跑嘅過程中好似連氣都冇喘，唔通係sherman兄嘅特訓成果，點都好，我又嚟到譚仔門口，我乜都冇理直接行咗入去頭先個位，已經有另外一批人坐低食緊嘢，我問過佢哋有冇見過檯上面有部手機，答案相信各位都知，係冇嘅。
既然係咁都冇計，再唔跑返學校就真係要遲到，原先仲抱有一絲希望嘅我，又重新跌回谷底，今日真係神奇，心情不斷起起伏伏，仲誇張過比特幣升同跌。
喺我就快離開譚仔個陣，有位譚仔阿姐叫住咗我「o靚仔，你係咪漏咗部電話吖。」
我雙眼重新燃起光芒「阿姐你有見過！？」
「有，頭先有個學生妹，逐個逐個抓住我哋講，可能一陣或者4點左右會有個著住XX校服，個樣平平凡凡，一睇就知係路人命嘅男仔嚟揾手機，佢叫我哋幫你講聲部手機喺佢度，唔使擔心喎，仲叫我哋見到你比呢張紙你。」
「多謝你，好人有好報。」我接過張A6紙仔。
「唔使。」譚仔阿姐繼續工作。
失而復得？應該係呢刻我嘅心情，雖然仲未復得，但種感覺相近㗎喇，估唔到冰女王除咗帶來災難之外，關鍵時刻佢都有作用。
死，弊傢伙，我仲未拍卡，基於拍咗卡之後唔可以再出校門，我返到去嗰陣仲未拍卡。
跑啊！！！雖然我冇手錶冇手機喺身，但我多年已久嘅感知遲到雷達已經不斷咁響，頭先譚仔阿姐嗰度拖咗唔少時間，而且仲要喺內心自high又曬咁啲時間。
還差兩秒，安全，不過我已經攰到隻狗咁，唔係指肉體上嘅，而係指心靈上面嘅疲勞。
翻到課室之後，我終於有時間睇張A6紙上面寫乜東東，內容如下:「想拎翻部電話，放學就過嚟會所，周婉兒字。」條友仔仲得閒到喺上面畫張細地圖，當正我係路癡咁。
「點都好，總算好過唔見咗部電話。」我心中暗道。
……
放學時候。
「啊晴，我今日有啲事，所以唔得閒你一齊返屋企住。」我向鄰座說。
「乜咁啱，靖欣佢哋都約咗我，聽日見喇，bye。」啊晴回道。
我微笑點了點頭，手持著A6筆記紙，根據上面所提供的資訊，經七七四十九難(搭巴士，我會暈車浪)，再度抵達這間象棋會所。
「唔該我想揾冰女王。」一時間改不過口。
前台接待員檢查完佢部Ipad，接著眉頭一皺，用疑惑的眼神看著我「唔好意思，我們這裡的會員沒有人姓冰。」
「唔係....唔係....佢叫周婉兒，一時講錯。」我連忙糾正，免得她以為我是來搗亂的。
「老闆個女？」接待員驚訝。
「係係係，冇錯就係佢。」我連忙點頭。
「你喺度等我一陣。」說罷她便走去經理室。
「嚟咗喇，入去先講。」冰女王說道。
「...」你把電話還給我不就好了，不過現在電話在你手上，理虧的是我，我只好吞聲啞忍。
我見到桌面擺好象棋盤，已經大概能夠想象接下來她的壞主意，有夠陰毒，說不定我裝傻充愣，便能全身而退？
「我部電話呢？」裝傻模式，啟動。
「...」冰女王一面不屑看住我，眼神中透露著「你這王八蛋還不知道我想怎樣！？趕緊跟我大戰300回合，我不就會把電話還給你。」
「周小姐？」整個空間安靜的令人窒息。
「三場，三場之後我就將部電話還畀你。」這婆娘，還真夠直接，這是在要挾你知道嗎。
「沒有其他條件？」三場而已，以我實力應該半小時內可以解決。
「沒有，與勝負無礙，三場過後電話自然會還給你，不過你敢放水就一輩子也別想取回電話。」冰女王放下狠話。
冇問題，棋盤上最大的尊重，便是全力以赴，儘管對手是棋神還是小孩，這是爺爺在教導我下棋的第一天跟我說的道理。
……
三十分鐘後。
我看了看時鐘，情況有變。
怎麼現在才到第二局中盤，她什麼時候變得如此難纏。
「將軍！」冰女王發起視死如歸的進攻。
我從她的走法也提早預料到這局面，已經提前在腦海中思考好每一步棋的走法。
這場對決也是我獲得勝利告終。
「嘖...到底係邊到出錯。」冰女王喃喃自語。
「最後一場，你記得約定㗎嘛。」還差一場，我便回歸自由之身了。
「記得，我從來都唔會反口。」
……
頭腦交戰得非常激烈，各種暗算，引誘，陷阱，為的就是能夠將死對方。
「咣當！」身後傳來開門聲。
背後有一個男人在旁邊觀察著這場戰爭。
佈了整場的局，終於都派上用場了，現在處於優勢方的我沒有因此自滿，反而更認真思考對方每一步可能會走的棋步。
冰女王看著眼前劣勢，手上動作停了下來。
旁邊的那西裝男人見狀往這裡靠近，在冰女王耳邊說了幾句，仔細一看，這王八蛋不就是冰女王父親，那個無緣無故送我兩巴掌的賤人。
心中莫名掀起一道憤怒，頭腦也因為發熱變得空白而無法思考。
冰女王在聽從他的提醒後，手指重新活動起來。
「這...」我看著眼前的棋局，正在被那男人提醒後開始一步步重新救活起來。
「這不是爺爺的走法嗎！？」先以劣勢為基礎，引誘對手進攻，再用恰到好處的防守反擊，瞬間將棋局扭轉過來。
我看著眼前的男人，心中只有不可思議。
十分鐘後。
「我輸咗。」雙拳在底下緊握住。
「好耶！！終於都贏咗。」冰女王如釋重負地說。
「阿女，冇我幫你神早輸鬼咗。」那西裝男人說道。
「我夠知啦，畀人開心下都唔得嘅。」冰女王說。
我也不想在這裡逗留看著眼前兩人一唱一和「你玩夠啦，畀返部電話我。」他媽的，我只想離開這裡。
「冇問題，我會遵守承諾，你坐喺度等我一陣，我去拎你部電話。」說罷冰女王便離開了。
目前只剩下兩個人在這房間，尷尬二字便能概括得了該處境。
首先開口的是西裝男，也就是冰女王父親「細佬你捉棋幾叻呀。」
「...」我沒打算理會他，我還對他莫名其妙送我兩巴掌的事懷恨在心。
接著他又說「無視啊，呵呵，唔怪得之我個女睇上你。」
看上我！？你開玩笑吧，你女兒只是不服輸或者輸不起，一直找我挑戰的麻煩人物而已。
「睇上我，你唔好講笑啦。」我搭話。
「我個女好少會咁執著喺一個人身上，除非嗰個人好特別。」特別這二字適用於我嗎，我只是個死了也沒有什麼人知道的普通人罷了。
「我一啲都唔特別好冇，同埋我想澄清一樣嘢，我冇同你個女拍拖，唔該你唔好誤會。」事實就是如此。
「咁你哋上次。」西裝男摸不著頭腦。
「上次係佢搶我本書，玩到成個拔河比賽咁，先一嘢仆落我身上，咁啱你就出現，仲無端端送咗我兩巴掌。」我把怨言全盤托出。
「咁真係唔好意思，誤會曬，我向你道歉。」
我也不想再跟他扯上關係，就趕緊接受道歉罷了。
「咣當~」冰女王回來了。
「傾緊啲咩吖。」冰女王說道。
「講緊你壞話。」我說。
「你會夠膽死？」
「唔夠。」
「嗱，你部電話。」
確確實實是我的電話，你終於都回來了。
「我都係時候走喇，再見。」
「咪住，星期六你得唔得閒，我哋會所有個小型比賽，你有冇興趣。」西裝男說道。
「睇下點。」
今日，圓滿結束。
未完待續……