[校園][純愛]《身旁的那一個》: 第三章

返到學校第一件事梗係集隊

都冇乜精神呀咁q熱

拿拿臨搞掂上返班房就算，

上到去求其搵個位座

我雖然叫做同嵐嵐熟啲，





但我同佢喺學校都係分開玩

佢有佢一班friend

我有我班豬朋狗友

不過啲同學會知我同佢熟咁解

所以我自自然然唔會同佢座





佢同左愷晴仲有另外兩個朋友圍埋一堆

一個叫Betty

肥肥地不過幾好相處

靚就唔靚㗎喇，

但傾落唔錯，





仲有一個係Teresa

佢都幾靚

冇嵐嵐同愷晴咁白但亦未去到健康膚色嗰種

同埋佢都幾活潑下

唔似愷晴陰聲細氣怕怕醜醜咁

基本上呢四個就係一堆

上年見到都已經係咁

講起愷晴，





都係近望先知皮膚好好

越睇越襟睇

哈哈以前未試過咁近睇呀嘛

第一次睇咪覺得好神奇

諗起都覺得以前真係毒

不過都真係要重申多次

當時都只係覺得佢靚呢個階段，





連佢係咩性格都唔知

絕對冇非份之想

就喺我𥄫緊愷晴嘅時候，

我feel到有條友無啦啦望住我

屌又係嵐嵐條粉腸

大家喺度對望

之後我對住做口形講:「做乜撚野」

佢又做返口形講:「睇女呀」





跟住佢隻眼喺度係咁射住愷晴

仲要笑笑口咁樣，

簡直係面目可憎

我:「樣衰

望返前面啦屎忽鬼」

佢:「呵呵.」

跟住就單一單眼望返前面，





屌吹佢唔漲，

係幾靚嘅……

跟住老師入到嚟，

講完啲基本嘢之後

就話要開始選班會因為要盡早做壁報

同埋都講到今年選班會，

係會做到中五會考之前

下一年唔會再特登選

我序章咪有提過主席呢個人嘅

佢就係被人推出嚟

副主席我都唔記得邊個啦

跟住嵐嵐做文書

因為被人話啲字靚

痴撚線我都唔知點解啲人會知

好撚鍾意嵐嵐嗰個賓仔學人做財政

唔使問阿貴好明顯就係見到嵐嵐入學生會

佢負責做跟尾狗啦

嵐嵐又好撚大方嘅冇嘢

唔係好似小學雞咁見到邊個入嚟佢就即刻退隊，

跟住無啦啦話唔夠人喎

仲有幾個空缺咁樣

嵐嵐就叫咗愷晴做另一個文書

因為話好撚多嘢寫喎

我嗰陣又係衰衝動，

成日衝口而出

我:「你睇下佢幾撚仆街呀

唔夠人連朋友都唔放過

睇死佢叫人入嚟跟住將啲嘢畀晒人寫」

miss:「東仔又喺度大大聲講粗口

一陣間放學罰抄」

我:「唔好啦miss我冇呀」

miss:「咁都叫冇呀

罰抄『以後不會在學校講粗口』，

你唔使旨意走呀

上年同你講過又係咁」

呢個班主任其實之前都教過我

所以對我有啲印象

我:「唔好意思呀miss我唔會㗎喇」

嵐嵐:「上次佢咪又咁同我講

話唔會講粗口鬧我

今次又係咁

miss呢啲真係要嚴懲先得」

miss:「嵐嵐佢就講得啱呀」

頂你個肺呀

條仆街真係想整死我

老師:「唔係喎，

東仔你冇做班會㗎嘛」

我:「冇呀我唔識㗎

唔好搵我啦」

miss:「有邊個一出世就識

唔學下點識呀

好啦東仔預埋你」

我:「有得話唔好咩」

老師:「陣間抄五十次啦唔使一百次啦」

跟住趁老師唔喺度，

即刻對住嵐嵐做口型講「仆街啦你」

嵐嵐呢條賤種真係好鬼衰格

擺明就想我死

嵐嵐:「抵死」

我:「你睇下你笑得幾衰

心地唔好」

我以為做口型我講咁長

佢應該唔知我講乜，

點知原來佢睇到

嵐嵐:「我笑得好靚喎」

跟住又整個微笑

就擰返個頭去前面，

我從來冇親口同佢條友講，

呢條友賤還賤，

笑容係幾靚嘅

啱啱識嗰啲真係好容易俾啲笑容呃到

識落就知呢條友心地相當差

唔係好人嚟嘅.