[校園][純愛]《身旁的那一個》: 第十二章

雖然發生咗啲咁嘅柒事

不過都無阻我買衫成功

跟住就一袋二袋咁樣行返出去商場

仲有幾舊水打斧頭

我:「搞掂咁就唔使煩啦」





嵐嵐:「多謝我啦」

我:「多謝」

嵐嵐:「冇名你叫呀」

我:「多謝賤種」

跟住佢條友即刻搣我手臂





變態架

我:「得喇得喇多謝嵐嵐」

嵐嵐:「咁咪幾好」

我:「多得你識揀

搞到我有幾舊水可以打斧頭」





嵐嵐:「auntie錢你都呃

你都算陰毒冇品」

我:「嚴格嚟講我唔係呃

事後我會光明正大同佢講，

畀埋張單佢」

嵐嵐:「咁呀

請食蛋糕唔該」

我:「又食」





嵐嵐:「難得出嚟

慰勞下我都要啦係咪呀

與其打斧頭不如拎出嚟做啲善事」

我:「你條仆街

原來有目的嘅出嚟」

嵐嵐:「你都傻嘅

冇目的梗係唔出」





我:「好撚賤呀

買完先講」

嵐嵐:「係咁㗎啦

去買啦快啲」

我:「警告你呀唔好咁多舊呀

明明有幾舊水嘅，

你條友搞到我得返少少

依家唔好連少少都唔畀我」





嵐嵐:「得啦我識做嘅

點會咁衰呢係咪先」

我:「好難講」

嵐嵐:「你對我成見太深

總之一人一舊啦

咁樣好未」

我:「算你有返啲人性」





我好天真咁信咗佢.


點解我會咁講

原本我以為佢口中嘅一人一舊，

個意思係我同佢每人一舊

即係total兩舊

我屌點知入到去，

佢係咁叫

起碼要咗三四舊

我:「屌你啦唔係一人一舊咩」

嵐嵐:「係呀做咩呀」

我:「仆街頭先你講咗三舊喎」

我見佢叫咗tiramisu， 朱古力同埋藍莓cheese cake，

我心諗佢條友仔鍾意食tiramisu我就知

朱古力同埋藍莓cheese cake係咩事呢

佢都冇食開嘅

嵐嵐:「我一舊家姐一舊媽咪一舊

咁咪一人一舊囉」

我:「食屎啦咁都得」

嵐嵐:「乖啦乖啦唔好咁小器啦

係喎你做孝子買多舊畀auntie啦」

我:「食屎啦又唔係你請

叫我買咁多舊

仲要請埋你全家

都算啦唔緊要，

仲要咁陰濕

喺度玩食字」

嵐嵐:「一次半次唔緊要啦」

我:「梗係唔緊要啦又唔係你請」

嵐嵐:「你咁樣溝唔到女㗎

用少少錢都咁」

我:「好多㗎屌你

咁就幾舊水，

我依家又唔係溝緊女

仲要益埋我老母」

嵐嵐:「梗係啦唔係點做孝子

平時你成日話嘅要做孝子

你唔會得把口掛東哥」

我:「唉買啦買啦

即刻灰鳩咗」

嵐嵐:「咁auntie鍾意食咩」

我:「芒果啦最鍾意佢食芒果蛋糕」

嵐嵐:「好唔該晒」

呢個賤人就係咁將我打斧頭嘅錢，

一次過清得七七八八

正當我準備畀錢嘅時候，

點知佢竟然打開自己銀包

自己畀咗

我:「嘩做咩事呀

唔係我請咩」

嵐嵐:「你話auntie畀生果我丫嘛

咁梗係要還少少禮」

我:「估唔到喎

我就係覺得奇怪，

點會無啦啦多咗朱古力同埋藍莓cheese cake

你條友平時淨係食tiramisu」

嵐嵐:「嘩原來你知㗎」

我:「梗係啦第一日識你咩」

嵐嵐:「係你成日話我衰啫

我衰極都唔會用你嘅錢請我屋企人食嘢

同埋要送返啲嘢畀auntie

唔敢用你打斧頭返嚟嘅錢呀，

費事係咁畀你講呀

你知你幾小器成個女人咁」

我:「傻豬嚟嘅點會

你真係好嘅啫嵐嵐」

嵐嵐:「超

頭先又唔見你咁講」

我:「不過估唔到你咁孝順

買蛋糕都要畀埋屋企兩個」

嵐嵐:「我家姐都係嘅

有時放學或者放工都會買嘢畀我食，

今次調返轉我買囉」

我:「叻女你真係有品格」

嵐嵐:「你睇你幾現實丫」

我:「哈哈哈」

我唔識講啦唯有以笑遮醜，

嵐嵐:「係喎要攞乾冰」

我:「你真係細心嘅啫」

呢個就講真我唔係吹水，

佢條友真係好細心

我識咗佢四年一齊做過好多嘢，

你班仆街唔好諗咸濕嘢呀

我就好大意嗰啲人

成日都唔記得做咩做咩，

次次好彩有佢幫我執手尾

就好似今次咁.