[校園][純愛]《身旁的那一個》: 第三十八章

去到夜晚，

嵐嵐終於覆咗我

嵐嵐:「警告你呀到時你要扮傻

佢唔知你知㗎」

我:「使唔使警告咁嚴重」





嵐嵐:「梗係要啦，

見係你我先同你講

第二個真係唔鬼得閒」

我:「得啦得啦」

嵐嵐:「佢諗住月尾約你去迪士尼呀





諗緊點開口喎

我同愷晴講

『就算你點開口佢都會應承』」

我:「係我個人易相處啫

唔係呀你講乜我都成日應承你」





嵐嵐:「不過會畀說話我聽囉」

我:「痴線你真係諗多咗」

嵐嵐:「實係咁啦」

我:「死啦不過真係去迪士尼呀」

嵐嵐:「佢話係囉，

睇你個腦都冇記性㗎啦

晏晝咪話愷晴鍾意跳跳虎」

我:「原本唔講就好地地





晏晝你一講海洋公園搞到我又想去」

嵐嵐:「哈哈咁睇下你點算呀」

我:「佢既然鍾意去迪士尼咪迪士尼囉

不過你真係唔去呀」

嵐嵐:「唔去啦

費事阻住你兩個，

我唔係啲咁嘅人」





我:「痴線有咩阻唔阻啫

你又唔係唔識我同佢」

嵐嵐:「所以話你真係笨柒呀

佢無啦啦想約你去迪士尼，

你覺得係咩意思丫

唔使講咁白啦係咪呀，

我點會阻住我個friend呢係咪先

同埋……」





我:「同埋咩」

嵐嵐:「我都知你對佢有好感

我係唔會阻住我兩個好朋友發展」

我嗰陣冇同佢講，

自己對愷晴嘅感覺，

係因為連我都唔肯定

我唔知我呢一刻算唔算係有好感





你哋當我係仆街啦

拖得就拖，

事實上愷晴依家對住我都冇咩表示

所以一路都係詐唔知就算.


我:「你唔去就算啦

費事逼你」

嵐嵐:「唔使借呢樣過橋嘅」

我:「係喎你有冇去過海洋公園」

嵐嵐:「幾年前有囉，

同Teresa去」

我:「仆街啦我起碼八九年前」

嵐嵐:「你咁鬼懶

你話啱啱去完我先唔信」

我:「我成世仔最後悔嗰次

就係坐跳樓機慢慢升上去嗰陣，

望住距離地下越嚟越遠

真係嚇到瀨尿」

嵐嵐:「廢

我:「不過玩落去其實唔係好驚，

海盜船先係最驚嗰個」

嵐嵐:「我玩親都坐最後

衝落去嗰下好爽喎」

我:「你呢啲人心理變態」

嵐嵐:「痴線，

唔驚就係變態」

我:「我真係頂唔撚順

好撚驚離心力」

嵐嵐:「好彩唔係去海洋公園

如果唔係我哋嘅東哥實出醜」

我:「痴線，

你太睇少我扮嘢能力

話說我無啦啦諗到一樣好癲嘅嘢」

嵐嵐:「做咩」

我:「不如我同你兩個去海洋公園先

聽日

頂你講到㷫烚烚好撚想玩」

嵐嵐:「你因住呀唔好亂咁㷫烚烚」

我:「血氣方剛呀我

你識乜嘢」

嵐嵐:「痴線

唔叫埋愷晴」

我:「唔啦佢都唔鍾意

既然係咁就費事叫佢過嚟

況且我哋又唔係做乜」

嵐嵐:「難得東哥單獨約我

點樣唔得閒都要出嚟啦」

我:「唔係呀我可以叫埋賓仔

咁就唔係單獨」

嵐嵐:「你可以試下嘅

想同我反面嘅話」

我:「唔使咁嘅嵐姐

單獨呀聽日，

約實咗㗎啦」

嵐嵐:「好

順便要訓練下你呢條友，

睇你個樣都未試過同女仔單獨出街

遲啲你同愷晴出去都唔知你點

聽日同你補習」

我:「痴線嘅驚都未驚過

咪出街囉有咩點啫」

嵐嵐:「女人好煩㗎哈哈哈哈」

我:「你都知你麻煩呢」

嵐嵐:「你收皮.」

自己話自己又得我鬧你就唔得，

賤種.