[校園][純愛]《身旁的那一個》: 第五十章

我呢啲八卦仔，

問人呀聽八卦嘢呀

梗係收收埋埋啦係咪先

公開問人就一定唔講啦

梗係轉msn戰線





我:「嵐姐好勁喎

又收多一位勇士」

嵐嵐:「唔好咁講

我受唔起呀東哥」

我:「你都算收得埋」





嵐嵐:「唔好亂講真係唔知

聽講佢好似畀人逼㗎咋嘛係咪呀」

我:「嘩你收風都幾快」

嵐嵐:「跟你學嘢學得多啫」

我:「我個version都係咁





不過畀人逼同埋真心我覺得可以並存嘅」

嵐嵐:「咁我就唔知喎」

我:「都係你威水，

除咗有參賽者1賓仔之，

而家整多個參賽者2籃球佬

你有兩位仁兄可以收到你嘅檸檬」

嵐嵐:「白痴」

我:「不如咁畀多個位我





等我又可以收到檸檬」

嵐嵐:「你唔好扮嘢

你個target都唔係我」

我:「痴線唔可以食檸檬嘅咩」

嵐嵐:「唔可以

行開行開」

我:「籃球佬都唔啱你心水真係難搞喎」





嵐嵐:「咁我今日真係唔肚餓呀嘛」

我:「即係話有一日你肚餓就會應約」

嵐嵐:「係你哋成日以為男同女淨係得拍拖嘅啫

其實我本身同佢都有啲嘢講嘅，

我哋有年咪同佢同班嘅

我同佢有個學期一齊坐過，

就係嗰陣開始熟囉

唔係話好friend嘅





叫做有啲嘢講下囉，

有時佢都有問我chem」

我:「嘩呢個真係唔知」

嵐嵐:「你點會知丫

唔好玩啦，

邊得閒睇我呢啲閒人」

我:「痴線使唔使講到咁





我聽你口氣呢，

佢應該贏賓仔」

嵐嵐:「痴線無啦啦贏乜鬼

我唔係你呀我冇咁多贏咗」

話說小弟做完一樣嘢之後好鍾意講贏咗

即係好簡單而家追巴士，

咁我跑啦

跑跑跑跑跑跟住終於上到巴士，

咁我就會講「贏咗」

點知嵐嵐呢條友留意到喎

所以佢就講咗頭先嗰句嘢.

嵐嵐:「係你哋屈人哋鍾意我咋嘛

你知啦你哋成日都喺度吹嘅」

我:「唔係你哋，

我冇份嘅

我想講我都係今日先知

我見佢鬼鬼祟祟喺出面唔知做乜

原來係搵你」

嵐嵐:「我估到佢搵我，

我哋有次chem補課咪兩班一齊上嘅

我係同佢一組㗎嘛」

喺度可以講下點解唔係我同佢一組

話說嗰次chem分兩人一組，

本來好似係嵐嵐，愷晴， Teresa， Betty，

呢四個分兩組嘅

跟住無啦啦唔知點解愷晴過咗嚟搵我一組

我當時都有問佢你唔係同你班friend咩

之後佢就話嵐嵐有組

Teresa， Betty佢兩個就一組，

後尾先知原來嵐嵐就係同籃球佬一組

我嗰陣冇為意呀

都話依家佢講返先記得，

我:「係喎

原來條友咁犀利一早部署好」

嵐嵐:「唔好講到咁衰啦

Form 3大家傾開又同開組啫，

點知原來佢問我食唔食嘢

咁我唔肚餓咪唔食囉就係咁簡單」

我:「賓仔我大膽講可以輸九成」

嵐嵐:「點同呢，

一個有傾開而且都叫啱傾

佢又冇好明確表示咩意思，

做下朋友傾下梗係冇問題啦，

另一個都唔係呢回事

仲要表明晒心意喎，

咁我唔鍾意唔應承唔畀假希望佢

都好正常啫」

我:「咁又係.」

嵐嵐:「滿足晒你呢個八卦佬啦」

我:「你真係抵錫嘅啫」

嵐嵐:「行開唔該」

我無啦啦講呢單野出嚟，

仲要開埋個名，

聰明嘅你哋，

唔使講都知有冇後續啦.