[校園][純愛]《身旁的那一個》: 第五十八章

我:「唔好啦我真係有啲怕醜呀」

Miss Cheung:「唔好扮嘢呀，

頭先見你好似開騷咁樣

依家走嚟扮緊張」

嵐嵐:「係囉





即係唔畀面miss啦」

Miss Cheung:「嵐嵐就講得冇錯啦

點都要唱返首

頭先見你咁鍾意唱.」

我:「其實我都係介紹嗰陣唱一兩句啫」





Miss Cheung:「即係有唱囉

點呀唱邊首」

我:「唔係掛

而家一片空白諗唔到喎」

Miss Cheung:「台下觀眾點歌」





痴撚線發生緊咩事

我好記得呢日就係因為咁，

因為成日發生嘅嘢基本上都係亂嚟

依家呢個情況簡直係大暴走

跟住我聽到下面喺度點

喺度介紹返嗰陣先，

嗰個年代我哋就唔係聽Mirror嘅

男嘅就係陳奕迅張敬軒周柏豪立立側田嗰啲





女嘅就係容祖兒謝安琪王菀之同埋漿

原諒我不能一一盡錄

因為真係好多有時我都唔記得

跟住唔知邊條撚樣叫我唱小肥嗰隻六月十三

條撚樣話依家六月喎

Miss又聽到喎，

佢話個名咁得意識唔識唱





跟住我話ok呀小肥㗎嘛

如是者佢就叫工作人員播單聲道音樂，

唔知點解呀跟住就到我唱喇

跟住我咪喺度唱囉

嵐嵐望住我係咁喺度忍笑

跟住冇呀我都驚唔自然

一路行一路唱囉，

喺個台度周圍行





因為小弟都識歌詞

所以就好自然咁喺度死唱爛唱，

嵐嵐後尾都笑到彎腰佢都忍唔住

後尾我都冇望觀眾，

擰埋一邊係咁喺度唱

唱完先望返前面，

係有啲忘我





難聽都冇辦法㗎啦，

係好聽嘅我去咗比賽啦

Miss Cheung:「唱得下喎

畀啲掌聲」

我:「麻麻哋㗎咋唔係好勁」

Miss Cheung:「點解唔比賽呀」

我:「我參加比賽就死得啦

鍾意匿埋一邊唱嘅」

Miss Cheung:「好嘢好嘢畀啲掌聲各位」

我&嵐嵐:「好嘢好嘢」由於唱到我個人都high晒

去到後尾miss問我有冇嘢講

我拎住支咪係咁喺度鳩噏

最後卒之去到兩點幾先完

預咗畀人屌老母㗎喇

總之我就攬炒大家一齊遲

佢哋啲反應我當睇唔到

跟住miss帶咗個工作人員過嚟

話叫我同埋嵐嵐加埋佢三個影一張相，

跟住再幫我同嵐嵐影張相

嵐嵐:「你真係好癲

估唔到最後玩到咁」

我:「痴線明明我都係被動

我原本淨係鳩噏邊有諗住唱歌」

嵐嵐:「頂你頭先講到唔識停呀

我真係忍唔住笑咗出嚟」

我:「唔好意思興奮咗係咁噏」

嵐嵐:「不過好好玩

多謝你」

我:「咁我都係

好彩隔離嗰個係你，

如果唔係我應該唔會噏得咁順」

嵐嵐:「下次唔好再爆肚喇

唔係次次都好似今次咁接到」

我:「你估你冇

你陰濕啲成日無端端攝一句落去」

嵐嵐:「嘻嘻我都係學你啫

我走先我同佢哋食飯，

返去再講」

我:「好」

不過自從呢次之後我都冇喺學校再做司儀嚕

第一可能冇人搵我啦

見我控制嗰啲時間咁差

overrun咗兩個鐘

第二自己都唔想

因為應該冇乜邊次會好似今次咁好玩

既然係咁就唔好再做，

我真係覺得有個好熟嘅喺你隔離會好爽

對我自己嚟講

任何主題任何類型都唔係重點，

拍檔先至係最緊要嗰樣

永久保存?

歌就有，

現實世界嘅話，

就唔係好多人好多事可以囉.