[校園][純愛]《身旁的那一個》: 第六十五章

之後去到miss屋企就玩啦

有啲打麻雀，

有啲就打機

有啲就玩board game，

我就唔使問梗係唱歌





唱之前問咗全部人㗎啦

因為小弟唱歌就好撚嘈亦都唔好聽你哋介唔介意先

唔好到時又屌難聽同埋大聲

先小人後君子，

佢哋話唔介意就唱啦





冇幾耐都見到嵐嵐單拖過咗嚟

條友打完招呼就過嚟搶左點唱個remote

係咁點關心妍

不過講真又真係幾好聽

我:「其實呀嵐姐你點解唔上台玩比賽





關心妍啲歌咁撚難唱都唱到咁好聽」

嵐嵐:「咁你又唔玩

東哥你都咁好聽」

我:「唔好聽喎

費事獻醜」

嵐嵐:「今年中五我last一年應該會玩」

我:「我應承你到時我整定個banner

幫你打氣」





嵐嵐:「聽住先」

跟住都冇特別

就費事講咁多喇，

係唱咗個零兩個鐘之後

打開麻雀嗰四個人打完四圈話好攰

跟住主席同埋賓仔就話想玩

最後搵唔到人有兩個空位就叫咗我同埋嵐嵐





原本淨係叫嵐嵐嘅，

點知條友拖我落水

同佢哋講如果我打佢就會打

正一食屎狗

至於愷晴唔識打就坐喺度睇，

Teresa佢就負責幫手拎嘢飲

邊個口渴就叫佢

佢就會拎過嚟，





好女仔

喺度可以講下無聊嘢

賓仔條仆街係咁放水

話說佢坐嵐嵐上家，

條撚樣係咁畀牌佢

正仆街

咁我係賓仔上家，





所以我死都扣住

賓仔:「搞錯呀東哥

使唔使隻隻都扣」

我:「痴線邊有」

賓仔:「收皮啦

要邊隻就唔畀邊隻我」

我:「冇你咁醒呀

知道人哋要邊隻就放邊隻」

跟住嵐嵐喺度偷笑

賓仔見到嵐嵐偷笑佢又笑

我:「你睇下

幫緊你呀賓仔知唔知呀」

跟住feel到坐我對面嘅嵐嵐一嘢踩落嚟

仲要眼超超

條友變態嘅.


我哋玩到咁上下就食飯

基本上呢次活動幾乎全數出席，

我記得呢個亦都係會考之前

我哋最後一個嘅班會活動

跟住miss又係循例講啲嘢啦

仲要點名讚主席話佢真係凝聚到一班人

令佢呢個班主任嘅工作輕鬆好多，

主席條撚樣咪認屎認屁

又喺度扮謙虛

不過講真嘅佢都好犀利，

調返轉我一定做唔到呢啲角色

佩服佩服

大家都知做搞手個難度有幾高啦

讀緊書都還好大家好容易就夾到時間

一畢業個個都出嚟做嘢，

呢個ot嗰個好攰跟住唔知邊個又話要陪伴侶

主席呢方面係有佢一手

跟住玩到九點幾就各散東西，

Teresa佢話佢男朋友會接佢

咁我哋就識做唔阻住佢喇，

唔想畀人燒春袋

Betty佢就同我哋唔同路

原本我以為嵐嵐同愷晴加埋我三個一齊走

跟住嵐嵐話佢要去唔知邊度

同我哋唔順路，

臨走前特登叫我送愷晴返屋企

依家都夜深咁話喎

之後再打個眼色

我就知佢咩料

條友真係

所以最後呢就我同愷晴一齊走啦

講真，

就算佢唔提我，

我都會送佢返去

始終嗰陣都九點幾返到去都差唔多十點

雖然話治安冇問題啫，

咁但係呢個時候作為男仔，

梗係要展示下咩叫gentleman

所以就算我有啲攰同埋唔算好順路

我都會送佢返去先，

行返去我哋都冇特別講乜嘢

都係講返今日啲嘢

愷晴:「其實你唱歌都幾好聽

真係唔玩學校比賽」

我:「真係唔啦

我呢啲地頭蟲上台就腳震

嵐嵐佢話last一年會玩喎」

愷晴:「嵐嵐唱歌咁好聽

應該輕鬆攞獎」

我:「又係嘅條友唱歌係幾好聽」

愷晴:「係喎佢last一年喇」

我:「依家科技咁發達使乜驚keep唔到」

愷晴:「咁又係，

不過識咗佢咁耐我哋又咁friend

返學都慣咗有佢喺度

考完會考唔喺度咁就真係有啲唔慣」

可能嗰陣仲細啦

所以有呢個諗法都唔出奇嘅

大個就明白其實每一個都係個客

不論朋友還是伴侶，

真係好friend嘅係會唔捨得，

咁但係亦都明白一個道理

就係個世界不斷轉，

冇一個人會一直陪到你撒手人寰

不過講開又講，

嗰陣我都唔敢諗冇咗嵐嵐會點

始終我中學生涯接觸得最多嗰個人就係佢

唔知呀費事諗啦，

到時先算

送完佢返屋企之後呢，

覺得有啲肚餓就諗住行遠少少去商場睇下有咩食

講明先其實我好少會咁嘅

我夜晚絕少食宵夜

今晚點解會咁係因為晏晝搞party嗰陣冇乜點食嘢

唔同平時夜晚喺屋企食飯

所以就有啲肚餓喇，

跟住就好似拍戲咁見到一個人

我記得嗰下我第一個感覺就係，

唔係掛有冇咁啱，

又係你?