[校園][純愛]《身旁的那一個》: 第七十八章

好記得唱完之後

喺我左手邊嘅海狗望住我

我心諗你個死基佬做乜

我:「做乜鳩眼定定望住我」

海狗:「聽唔聽到呀」





我:「聽到

幾好聽呀」

海狗:「得」

跟住到我右手邊嘅愷晴，

佢望住我冇講嘢





我:「做咩呀」

愷晴:「嵐嵐唱得好好聽呀真係」

我:「係呀幾撚勁

呢首唔係容易

歌詞好密.」





愷晴:「嗯」

最後嵐嵐拎咗亞軍

有個濕鳩牌

頒獎後就放學，

我呢啲人絕對唔會食言，

我講過會請佢食蛋糕就真係會

我:「威返次啦」

嵐嵐:「不嬲都咁威」





愷晴:「好勁呀你真係」

Teresa:「勁好聽呀」

嵐嵐:「你都係呀」

Teresa:「我就唔得啦

你睇都冇牌」

海狗:「嵐嵐今次真係好撚勁」

嵐嵐:「冠軍嗰個都好勁





有牌都好滿足」

我:「你叻撚過我啦

我讀中學咁撚多年都冇牌」

嵐嵐:「咁係你問題啫」

我:「見你咁威水由你，

我講得出做得到」

嵐嵐:「估你唔到喎」

愷晴:「做咩呀」





我:「我講過佢贏咗就請佢食蛋糕

第二都叫贏啦」

嵐嵐:「我同佢講咗呀要請埋你

係咪先」

我:「得啦得啦

走啦去買啦」

海狗:「我就唔阻你」





之後我哋三個就去買蛋糕，

有親嵐嵐我就一定會買tiramisu，

知佢條粉腸鍾意食

愷晴我就真係唔知要問一問佢

原來佢鍾意食朱古力

同埋我feel到佢唔係我同埋嵐嵐咁鍾意食

唔怪得平時冇講，

好彩唔抗拒

如果唔係我就大撚鑊

請第二個女仔唔請自己女朋友

咁我真係含得撚

之後就散水喇，

我同愷晴走，

嵐嵐就自己一個行另一邊

其實我第一下差啲柒咗，

我諗住好似以前咁

我同嵐嵐一齊行，

愷晴返屋企就另一邊，

我唔係特登嘅

係我真係慣咗咁多年都係咁

不過依家唔得喇，

好彩我縮得快

嗱嗱臨轉返個方向拍住愷晴，

送佢返屋企先.


送愷晴返屋企嗰陣

當然會一路行一路傾計啦，

呢個時候我哋先拖住手

愷晴:「今日咁醒嘅主動拖手」

我:「梗係啦平時我要拎水樽

今日我好撚快飲晒擺咗落書包

咪可以拖住你」

愷晴:「咁你以後飲快啲得唔得

咁就可以好似今次咁嘻嘻嘻嘻」

我:「好收到晒」

我好記得我哋拍拖初期，

愷晴講過點解我唔拖住佢隻手

嗰次就佢做主動拖住我，

之後我記住咗，

下次一齊行就要拖住佢

所以今日我就好撚醒主動拖咗

而佢亦都真係一個好容易滿足嘅女仔

咁嘅話就好開心喇，

愷晴:「今日嵐嵐唱得好好聽

佢真係好勁」

我:「唉無謂比啦

你都好勁呀」

愷晴:「唔係啦

唱歌對我嚟講真係好難，

五音不全咁

我:「咁每個人有唔同嘅強項

唱歌你唔叻咁咪唔叻，

你廢柴男朋友我都大把嘢唔叻

咪又係咁」

愷晴:「你唔係廢柴」

我:「好啦好啦

事實真係㗎，

屌你睇下我

乜嘢運動都唔叻

你聽我有冇玩過啲乜鳩嘢班際

咁每個人強弱項都唔同，

咁樣比較根本就無謂

點可以因為咁就擊到你嘅自信呢，

我夠成日畀嵐嵐條友屌鳩我

話我條友咁撚廢乜都唔識玩

咪又係咁」

愷晴:「係得你以為佢淨係識鬧你啫」

我:「下佢對住我淨係識鬧我啫」

愷晴:「其實我今日聽到海狗問你

你真係淨係聽到佢唱得好聽」

我:「係呀

老老實實係幾好聽，

你覺得佢唔好聽」

愷晴:「唔係呀我覺得好好聽

一個人認真唱擺晒感情落首歌度，

只要唔係五音不全

基本上冇乜人話唔好聽」

我:「嘩你聽到咁深入」

愷晴:「係呀

我覺得佢唱得好投入好真摯」

我:「嘩呢啲我就真係唔識

我淨係知呢首歌唔易唱」

愷晴:「你唔知㗎喇，

你知嘅話，

好多嘢都唔同」

我:「真係好玄」

愷晴:「係咩，

返去啦我哋差唔多到啦.」

我:「好.」